ஊனம் உடலில் அல்ல! போலியோவை வென்ற சுழற்பந்தாளர்!

கர்நாடக மாநிலம் மைசூரில் 1945 மே 17-ல் பிறந்தவர், சந்திரசேகர். தந்தையின் பெயர் பகவத் சுப்ரமணியம்.

5 வயதில் போலியோவால் தாக்கப்பட்ட இவருக்கு வலது மணிக்கட்டு பாதிக்கப்பட்டது. கடின முயற்சியால் ஆர்வத்தின் படியே கிரிக்கெட்டில் ஈடுபட்டார்.

இடக்கைப் பழக்கம் காலப்போக்கில் வலக்கைகு மாறியது. வேகப்பந்தாளர் போல் செயல்பட்டார். லெக் ஸ்பின், கூக்ளி ஆகியவற்றைக் கூட வேகமாக வீசுவார்.

1971-ல் இங்கிலாந்துக்கு எதிரான டெஸ்டில் 36 ரன்களை விட்டுக் கொடுத்து 6 விக்கெட்டுக்களை வீழ்த்தி இந்தியா வெற்றிபெறக் காரணியாய் இருந்தார்.

58 டெஸ்டுகளில் விளையாயுள்ள சந்திரசேகர் 242 விக்கெட்டுக்களை வீழ்த்தியுள்ளார். 16 முறை ஒரு இன்னிங்க்ஸில் 5 விக்கெட்டுக்கள். இரு முறை டெஸ்ட் போட்டியில் 10 விக்கெட்டுக்கள் எடுத்துள்ளார். மேலும் 246 முதல்தர போட்டிகளில் விளையாடி 1063 விக்கெட்டுக்களையும் வீழ்த்தியுள்ளார்.

1972-ஆம் ஆண்டின் சிறந்த வீரராக விஸ்டன் விருதுக்கு தேர்ந்தெடுக்கப்பட்டார்.

இவரது பெற்ற தாயினைப்ப்பற்றி ஒரு வார்த்தை கூடக் குறிப்பிடாதது எனது குற்றமல்ல.
17-03-2010 தினமணியையே சாரும்.

இருந்தாலும் வலது மணிக்கட்டு போலியோ ஊனத்தைக் காரணங்காட்டி முடங்கிக் கிடக்காமல் சிகரம் தொட்ட சுப்பிரமணியத்தயும் அவர்தம் பெற்றோரையும் ஊக்குவித்தோரையும் போற்றுவோம்.


அந்நிய நாடுகளில் 24 டெஸ்டுகளில் 100 விக்கெட் வீழ்த்திச் சிறப்புப் பெற்றவர்.

குமரிமலர் பல்சுவை இதழும் உலகம் சுற்றிய முதல் தமிழரான பயண நூலாளாரும்:-

ஆவணத் திரைப்படத்தைத் தமிழ்கத்திற்கு முதலில் அறிமுகப்படுத்தியவர், ஏ. கே. செட்டியார்(ஏ.கருப்பன் செட்டியார்} ஆகும். நேடால். ட்ர்பன், உள்ளிட்ட தென் ஆப்பிரிக்க நாடுகள்-மற்றும் அந்தக் காலத்திலேயே பத்தாயிரம் மைல்கள் பயணித்து தேடிப்பிடித்துக் குறிப்புக்க்கள் தயாரித்து 50000 அடி நீளமுள்ள டாகுமெண்டரி படம் காந்தியைப் பற்றி எடுத்தார். பின்னர் ஹாலிவுட்டின் மூலமாகச் சுருக்கி ஆங்கில விளக்கவுரையும் இணைக்கப் பட்டது. (Volume 23 - Issue 03, Feb. 11 - 24, 2006
India's National Magazine from the publishers of THE HINDU )

நிழற்படக் கலையில் தேர்ச்சி பெற்றார். மேலும் நியுயார்க்கில் மேல்படிப்பும் படித்தார். இந்தியா திரும்பும் பொழுது, இங்கிலாந்து, அயர்லாந்து, ஜெர்மனி, ஃப்ரான்ஸ், முதலிய நாடுகளுக்கும் சென்று வந்தார். பயண அனுபவங்கள் கட்டுரைகளாயின. உலகம் சுற்றும் தமிழன் என்னும் பெயரில் 1940-ல் பயண நூலாக வெளியிடப்பட்டது.

தன வணிகன் என்று நகரத்தாரால் ரங்கூனில் வெளியிடப்பட்ட நூலுக்கு ஏ. கே. செட்டியார் ஆசிரியராக இருந்தபோது அவருக்கு வயது 20 தான்.! 1943 முதல் 1983 வரை இவர் வெளியிட்டு வந்த குமரிமலர் மாத இதழ் அப்போது என் போன்ற மாணாக்கராலேயே விரும்பிப் படிக்கப் பட்டது.

ஜப்பானில் சில நாட்கள், உலகம் சுற்றும் தமிழன், ( பாட நூலாகவும் இருந்தது.) , மலேசியா முதல் கனடா வரை, பிரயாண நினைவுகள், அமெரிக்க நாட்டிலே, ஐரோப்பா வழியாக. குடகு முதலியனவற்றைஎழுதியுள்ளார்.

தனது வாழ்க்கையில் 4 லட்சம் மைல்களுக்கு மேல் பயணம் செய்துள்ளார். பரண்களின் மீது கிடைத்த நூல்களச்சேகரித்து குமரிமலரில் பிரசுரம் செய்துள்ளார்.

குமரிமலருக்கு இணையான நூல் இன்றளவும் வந்ததில்லை என்பதே உண்மை
.
தமிழ் விக்கிபீடியா மூலமாக A.K. A.கருப்பன் செட்டியார் என்று பெயரைத் தமிழில் தெரிந்து கொள்ள காஞ்சிபுரம் AKR உதவினார். -227224947/9789581797

நாமக்கல் மாவட்டமும் தெலிங்கானாவும்!

தனித் தெலிங்கானா ஒரே வழிதான் உள்ளது என்று உள்ளம் சொன்னாலும், மாற்று வழி உண்டா என்றும் யோசித்தது.

என்ன செய்ய வேண்டும்? போராட்டக்காரர்களைத் தனிமைப் படுத்த வேண்டும். அந்தப் பகுதிக்கு என்னென நன்மைகள் செய்யமுடியுமோ அவற்றைச் செய்து முடிக்க வேண்டும். எடுக்கும் முடிவு கறாறாக இருந்திட்டால் முடிவு சுபமாகும்.

நாமக்கல் மாவட்டத்தில் ஆஞ்சனேயர் முன்னிலை வகிக்கின்றார்.

அர்த்தநாரீஸ்வரர் கோவில், ஆகாசகங்கை அருவி, ஐயாறு, கவிஞர் இராமலிங்கம் பிள்ளை நினைவு இல்லம், நாமக்கல் துர்க்கம் கோட்டை, முட்டை வியாபாரம், தங்கத்தேர்-----என்று எல்லா முக்கிய இடங்களைப் பற்றிய குறிப்புகள் தெளிவாக உள்ளன, படங்களுடன்!

பரப்பளவு, மக்கள் தொகை, மழை பொழிவு, எஸ்.டி.டி கோடு எல்லாம் உள்ளன.

ரூபாய் 100 விலையில் தமிழ்நாடு ஓர் சுற்றுலாப் பார்வை என்ற அற்புதப் படைப்பினைத் தந்துள்ளது மதுரா வெளியீடு, சென்னை-8.

விரும்புவோர் பயனடைக!

சென்னைப் புறநகரில் ஓர் தேசியமயமாக்கப்பட்ட வங்கியில் ஓர் அனுபவம்!

fixed deposit காலம் முடிந்தபின் பணத்தை எடுக்க்கச் சென்றிருந்தேன். உரிய கால்ம் முடிந்தபின் பணத்தை என்னசெய்ய வேண்டும் என்பதை வாடிக்கையாளரிடம் கேட்கவேண்டும் என்று கோரிக்கை வைத்தேன்! அப்படி ஒன்றும் சட்டம் சொல்லவில்லை என்றார். அப்படிச் சட்டத்தில் இடம் இல்லையென்றாலும் தாங்கள் தெரிவிப்பதுதான் சரியான வழி என்று கூறிச் சென்று விட்டேன்.

ஆனால், அந்த வங்கிப் பெண்மணியோ, சார்! தங்கள் கணக்கில் சிறு தொகை தவறாகக் கழிக்கப் பட்டிருக்கும். ( வருமான வரி செலுத்துவது எனது பொறுப்பு என்று உறுதியளித்து விட்டால் வங்கி அவர் கணக்கில் வரிப்பிடித்தம் செய்யக்கூடாது. ஆனால் எல்லோருக்கும் பிடித்துவிட்டுத்தான் ரீபண்ட் செயார்களாம். இது எந்த ஊர் நியாயம்?} நாங்கள் அதனை Journel போட்டுச் சரிசெய்து உங்கள் கணக்கில் வரவு வைத்துவிடுவோம். அதற்குரிய பெண்மணி இன்று வரவில்லை. அதனால் இன்று சாத்தியமில்லை. என்று சொன்னார்.

கிளை மேலாளரை அணுகினேன். குறிப்பிட்ட ஒருவரின் பெயரைச் சொல்லிப் பார்க்குமாறு கூறினார். அந்த நபரை அணுகினேன். கூட்டமாக இருந்தது. அரை மணி நேரத்திற்குப்பின் அவரை அணுகினேன். இப்போ பணம் எடுக்கப் போறீர்களா என்ரு வள்ளென்று எரிந்து விழுந்தார். வார்த்தைகள் தடித்தன. கஸ்டமர் என்றாலும் எல்லை உண்டு என்று வாதாட ஆரம்பித்தார். வேண்டுமாயின் கணக்கினை முடித்துக் கொள் என்றும் பேச ஆரம்பித்துவிட்டார்.

இவரிடம் பேசிப் பயனில்லை என்று மீண்டும் மேலாளரை அணுகினேன். இன்று என் கணக்கில் அந்தப் பணம் வ்ரவு வைக்கப் ப்டவேண்டும். அவ்வளவுதான் என்றேன். மாலை 4 மணிக்கு மேல் நான் அவரை அழைத்து விபரம் கேட்டால் பதில் சொல்வேன் என்று உறுதியளித்தார்.

மாலையில் கேட்டேன். Ok ஆனது, மறுநாள் PAAS BOOK-ல் பதிவு செய்து கொண்டேன்.

நான் கேட்பதெல்லாம்

ஒருவர் வரவில்லையென்றால் அவர் வந்தபின்தான் அந்த வேலையைப் பார்க்கமுடியும் என்று சொல்வது சரிதானா?

மேலும் அந்த ஊரில் ஒரே வங்கியின் இரண்டு கிளைகள் செயல் பட்டுக் கொண்டிருக்கின்றன. அந்த அளவிற்கு அவசியம் இல்லை என்பதே மக்கள் கருத்து.

கிளை மேலாளர் தலையிட்டபின் மட்டும் அது எப்படிச் சாத்தியமானது?

மேலும் ஒரு வார்த்தை;

வங்கிகள் சீரமைக்கப் படவேண்டும் என்று மத்திய அரசு எடுக்கும் நடவடிக்கைகள் இன்னும் துரிதப் படுத்திடல் வேண்டும்.

பல வங்கிகள் இணைக்கப்பட்டால் நிர்வாகச் செலவுகள் குறையும்!

ஒரே தெருவில் பல தேசியமயமாக்கப் பட்ட வங்கிகள் தேவையில்லை. எந்த வங்கியாக இருந்தாலும் அந்தப் பணம் முழுவதும் பாரதத்தின் சொத்துதானே?

இல்லாத ஊர்களில் கிளைகள் திறபதுதானே நியாயமாக இருக்க முடியும்?

வங்கிகள் இணைக்கப்பட்டால் என்னவாகும் என்று யோசித்துப் பார்த்தேன். ஒரே ஒரு பதில்தான் கிடைத்தது.

ஒரே பிறந்த நாள்/ வேலைக்குச் சேர்ந்த நாள் அடிபடையில் அனைவரது SENIORITY LIST முறைபடுத்தப்படும் பொழுது கொஞ்சம் PROMOTION பாதிக்கப்படும் என்பதுதானே முட்டுக் கட்டை!

எல்லாக் கடன்களும் வங்கி ஊழியருக்கு 1% வட்டி என்றே கருதுகின்றேன். ஆனால் அதே கடனிற்கு பொதுமக்கள் கொடுக்கும் வட்டி விகிதம் எவ்வளவு என்பதை ஒப்பிட்டுப் பார்த்தால் தலை சுற்றுகின்றதா நண்பர்களே?

மத்திய அரசு அதிரடி நடவடிக்கையாக் அனைத்து அஞ்சல் அலுவலகங்களையும் வங்கிச் சேவையிலும் ஈடுபடுத்துமானால், இந்த தேசியமயமாக்கப் பட்ட வங்கிகளுக்கு இருக்கும் முக்கியத்துவம் குறைந்து போகும்.

எதேச்சதிகாரம் செலுத்திய டெலிகாம் - பி.எஸ்.என்.எல். ஆக்கப் பட்டபின் தட்டுத் தடுமாறுவதைக் கண்ணால் பார்த்த பின்னும் மாறவில்லையென்றால் காலம் தன் கடமையைச் செய்யத் தயங்காது வங்கி அன்பர்களே!

வடக்கு-கிழக்கு- மேற்கு-தெற்கு என நான்கு அல்லது 5 மண்டலங்களின் கீழ் கொண்டு வந்துவிட்டால் நிர்வாகச் செலவுகள் மிக மிகக் குறைந்து விடும் என்பதுதானே உண்மை?

"உண்ணாமற் தின்னாமற் அன்ணாமலையார் கொள்ளை" என்று யார் யாரோ பயன் பெறுவதால் நாட்டிற்கு என்ன நன்மை?

ஓடமும் ஒருநாள் வண்டியில் ஏறும் என்பதுதானே ஆன்றோர் வாக்கு!

வங்கியின் பெயர் : இந்தியன் வங்கி. இடம்: அம்பத்தூர்.

மக்களிடம் நல்ல பெயர் வாங்கிக் கொண்டிருக்கும் கிளை மேலாளர் பெயர்:
d.anthony xavier இடம்: அம்பத்தூர்.

VAAZHKA NII EMMAAN!

மூச்சுப் பயிற்சி-மூச்சுப் பயிற்சி-மூச்சுப் பயிற்சி

மூச்சுப்பயிற்சி

நாம் உண்ணும் உணவு கெமிக்கல். யூரியா போன்ற செயற்கை உரங்களினால் குறுகிய காலத்தில் உற்பத்தி செய்வதனால் சத்தற்ற உணவாகவும். நோய் எதிர்ப்பு தன்மையின்றியும் இருக்கிறது, மேலும் நாம் குடிக்கும் குடிநீர். சுவாசிக்கும் காற்று. மண் போன்ற இயற்கை வளங்கள் அனைத்தும் கெட்டுள்ளது, இவற்றின் மூலம் நம் உடலில் தினம் சேருகின்ற அழுக்கினால் இரத்தம் கெடுகின்றன, இரத்தம் அசுத்தம் ஆவதால் உடல் உறுப்புகள் பாதிக்கப்பட்டு நோய்கள் உருவாகின்றன,

உலகம் என்பது பரந்து விரிந்துள்ளது, நாம் உலகத்தை சுத்தம் செய்ய முடியாது, நம் உடலில் தினம் சேருகின்ற அழுக்கை சுத்தம் செய்ய முடியும், உடல் அழுக்கானால் எப்படி சோப்பு போட்டு குளிக்கின்றோமோ அதைப் போல் நம் உடலின் உள்ளே இருக்கும் உயிர்காற்றைக் கொண்டு மூச்சுப் பயிற்சி என்னும் பயிற்சியின் மூலம் இரத்தத்தை சுத்தம் செய்கின்றோம்,

மேலும் மூச்சுப் பயிற்சியின் மூலம் இரத்தத்தின் ஓட்டமும் உயிருடைய இயக்கமும் உடல் முழுவதும் சரிசமமாக இயக்கப்படுவதால் அதிகப்படியான சக்தியையும். ஆற்றலையும் பெறுகின்றனர், இதனால் நாள் முழுவதும் சோர்வின்றி சுறுசுறுப்புடன் கூடிய துடிப்பான உடல் இயக்கமும் இரவில் நிம்மதியான ஆழ்ந்த தூக்கமும் ஏற்படுகிறது, நோய் நொடிகள் இன்றி மாத்திரை மருந்துகள் இன்றி வாழ்நாள் முழுவதும் ஆரோக்கிய வாழ்விற்கு மூச்சுப் பயிற்சி வழி வகுக்கிறது,

11.01.2010 திங்கட்கிழமை - இலங்கையில் 255 தமிழர்கள் கொல்லப்படப்போகிறார்களா?

இன்றைய ஃபேஸ்புக்கில் இடம்பெற்றுள்ள கதறல் செய்தி இதுதான்!

முள்வேலி முகாம்களிலிருந்து தப்பி ஆஸ்திரேலியா செல்ல முயன்ற குழந்தைகள் மற்றும் பெண்கள் உட்பட்ட 255 தமிழர்கள் இந்தோனேசிய கடற்பகுதியில் கைது செய்யப்பட்டுள்ளனர். அவர்களை திரும்ப இலங்கைக்கு கொண்டுசெல்லும் முயற்சியில் இலங்கை அரசு ஈடுபட்டுள்ளது. அடையாள அட்டை இல்லாமை மற்றும் பிற காரணங்களால் அவர்கள் அணைவரும் வரும் 11.10.2010, திங்கட்கிழமையன்று கொல்லப்பட்ப்போகிறார்கள் என்றும். அதற்குமுன் அவர்களை காப்பாற்ற மின்னஞ்சல்களிலோ மற்றும் ஏதும் மூகாந்திரங்களிலோ இந்தோனேசியவிலுள்ள ஐக்கியநாடுகள் சபை கிளையை

http://www.un.or.id/contacts

என்கிற இணைய முகவரி மூலம் தொடர்புகொண்டு நம் தாய் தமிழர்கள் 255பேரைகாப்பற்ற உதவுங்கள் என்று செய்தியை படிப்பவர்கள் அணைவரையும் கோருகிறார்கள்!

படிக்கையில் அதிரச்செய்யும் அந்த செய்தியில் இது தொடர்பாக இடம்பெற்றுள்ள மற்ற சுட்டிகள்

http://www.theage.com.au/national/tamil-refugees-questioned-by-sri-lankan-officials-20100109-lz4q.html

http://www.theaustralian.com.au/news/world/sri-lanka-grills-tamils-in-jakarta/story-e6frg6so-1225817519367

இந்த செய்தியை நான் படிக்கையில் இப்போது சனிக்கிழமை 9.01.2010 இரவு 12 மணியாகிறது. மீதமுள்ளது நம்மிடம் அதிகபட்சம் 24மணி நேரம்தான்!

மேலே உள்ள இரண்டு சுட்டிகள் மற்றும் கூகுள் தேடல்களில் அவர்களின் இப்போதைய நிலை குறித்து எந்த விவரமும் என்னால் பெற முடியவில்லை

எனவே நான் un-indonesia@un.or.id என்கிற மின்னஞ்சல் முகவரிக்கு கீழ்காணும் வேண்டுகோளை அனுப்பியுள்ளேன்.

Dear Sirs,

I understand that there are 255 defenseless, war stricken, terrified Tamil refugees pleading for asylum to the Government of Australia. They were caught by the Indonesian government at Jakarta and the Srilanka officials are now in Jakarata involved in interrogation of those poor Tamils. Also I learnt from the news agencies that the Sri Lankan Government plans to take them back to Sri Lanka on Monday in order to execute them.

Kindly stop the deportation of refugees fleeing from a government trying to kill them. This is like handing the Jewish people over to the Nazis, PLEASE HELP STOP THIS!
They survived a brutal genocide and lost everything before their eyes. These are innocent families, and right now, the genocidal Sri Lankan Government, the same one that destroyed everything in front of their eyes, disregarding the fact that they were civilians, that they were humans sent its Navy into Indonesian waters in order to bring them back to Sri Lanka on Monday,,January 11th . There are little children and babies on this boat, and every single one of these refugees will be killed if something isn't done to save them! They don't have UNHCR or any other ID cards, they will die, every single one of them. Please help save them!
--
K.Thangamani Prabu
Chennai, India

மிகுந்த மன அழுத்தத்துடன் நான் அனுப்பிய இந்த மின்னஞ்சல் செய்தியில் ஏதும் எழுத்து அல்லது இலக்கண் பிழைகள் இருக்குமாயின் நிக்கிவிட்டு தயவு செய்து நீங்களும் மேலுள்ள முகவரிக்கோ அல்லது http://www.un.or.id/contacts என்கிற தளத்திலிருந்து உங்களுக்கு சரியெனப்பட்ட முகவரிக்கோ வேண்டுகோள் மின்னஞ்சலை அனுப்புங்கள். உங்கள் ஈமெய்ல் பல தமிழ் உயிர்களை காப்பாற்றும்!

வளர்ந்து பெரிய பிள்ளையானால் நீ போராளியாகலாம்! என்று கூறி தமிழ் குழந்தைகள் பலபேரை குறி வைத்து இலங்கை ராணுவம் கொன்று குவித்ததை நாம் அறிவோம்! அந்த கொலைகாரர்கள் வெற்றிக்களிப்பில் இருக்கிறார்கள். இந்திய வாழ் தமிழர்களாலும், ஏன்… அமெரிக்காவாலும் ஒன்றும் செய்யமுடியவில்லை என்கிற மமதை நிறைந்த அந்த கொலைகாரகூட்டம் எந்தவிதமான கொலைக்கும் அஞ்சமாட்டார்கள்!!

255 பேர், ஏதுமறியா அப்பாவிகள், சின்னஞ்சிறு குழந்தைகள், தாய்மார்கள், இலங்கையில் தமிழர்களாக பிறந்ததன்றி எந்த தவறும் செய்யாதவர்கள்! ஒரே வெடிகுண்டால் அல்லது ஒவ்வொருவருக்கும் ஒரு துப்பாக்கி குண்டென்கிற விதத்தில் அந்த ஈரமற்ற சிங்களக்காடையர்கள் நம் த்மிழர்களை கொண்று போடுவதை தடுக்க நம்மிடம் உள்ள ஒரே ஆயுதம் இப்போதைக்கு மின்னஞ்சல்தான். தயவு செய்து அவர்களுக்கு உதவுவோம்.



(செய்தி ஏஜன்சிகளில் தொடர்புள்ள பதிவர்கள் ஜக்கார்தாவில் சிங்கள அதிகாரிகளின் விசாரணை முடிந்து இலங்கை கொண்டு செல்ல ஆயுத்தப்படுத்தப்படும் அந்த 255 தமிழர்களின் இப்போதைய நிலை என்ன என்று தெரிந்துகொண்டு பதிவிட்டால், நாம் இன்னமும் ஏதும் செய்ய முயலலாம்)

Posted by க. தங்கமணி பிரபு at 12:26 AM

செம்மொழி மாநாட்டில் செத்து மடிவோம்- தமிழை நேசித்து தமிழைப் படித்த பட்டதாரிகள் சூளுரை?

உள்ளூர்த் தொழிலாளர்களை ஒன்று சேர்க்க முயற்சிக்காத கம்யூனிஸ்டுகள் தெருக்க்களில் முழங்குவார்கள். "உலகத் தொழிலாளர்களே ஒன்று சேருங்கள்" என்று!

அதேபோன்று உள்ளூர்த் தமிழ் படித்தவர்களை வேதனைக்குள்ளாக்கிவிட்டு, உலகச் செம்மொழி மாநாட்டிற்கு அச்சாரம் போட்டுள்ளார், டாக்டர், கலைஞர்!

சில கட்டுரை வாசிப்புக்களும், கருத்தரங்கங்களும், அலங்கார ஊர்திகள் ஊர்வலமும் தமிழைச் செழுமைப் படுத்தி விடுமா? நாள்தோறும் சிந்தித்துச் செயல்பட்டாலே முடியாத காரியம்: ஓரிரு நாட்களில் என்ன செய்துவிட முடியும்?

போராட்டம்- கால வரம்பற்ற உண்ணாவிரதப் போராட்டம்- கைது- விடுதலை - கலெக்டர் ஆலோசனை என்று தத்தளிக்கும் தமிழாசிரியர்களைக் கவனியுங்கள்!

தமிழில் எம்.எல்.எம்பிஃல், பி.எட். பிஎச்.டி எல்லாம் படித்த வடபாதி கிராமம் பூமிநாதனைப் போல் எல்லோருமே தற்கொலை செய்துவிடாம்ல் காப்பாற்றுங்கள்!

வேலையில்லாப் பட்டதாரித் தமிழாசிரியர் மாநிலச் செயலாளர் சந்திர சேகரன்... பணி வேண்டும் புலவர் கழகத்தின் அமைப்பாளர் குணசீலன் ஆகியோர் கோரிக்கைகள் நிறைவேறட்டும் என்று வாழ்த்துவதொன்று தானே நம்மால் முடியும்?






http://www.newkerala.com/news/fullnews-20870.html
http://www.newkerala.com/news/fullnews-20870.html

மதுரா டிராவல்ஸ் நிர்வாகிக்கு, "கலைமகள் புதல்வன்" பட்டம் சூட்டப்பட்ட விழா!

ஐ.சி.எஃப். காலனி சென்னைப் புறநகரில் உள்ளது. ஆங்கே, வி.கே.எஸ். மஹாலில் ஒரு பரத நாட்டிய அரங்கேற்றம் நிகழ்ந்தது. அது அரியதொரு கலைநிகழ்ச்சியாக அமைந்தது. ஏனெனில், பரத நாட்டியம் ஆடியவர், சில ஆண்டுகளுக்கு முன் இதய அறுவை சிகிச்சைக்கு உள்ளானவர் என்பதால்தான் இஃது அரிதானது. நடன மஞ்சரி பட்டத்தை நடன அர்ங்கேற்றத்தின் போதே பெற்றுவிட்ட நடன மங்கை செல்வி.வி.சௌந்தர்யா மற்றும் நிகழ்ச்சி குறித்த விரிவான தகவல் தனிப்பதிவில் பட்ங்களுடன் விரைவில்!

ஒரு கல்லில் இரு மாங்காய் என்பது போன்று, உலக மக்களுக்க்காக மாதந்தோறும் வெளிவந்துகொண்டிருக்கும் விகடகவி தமிழ் மாத இதழ் தக்கதொரு செயலாற்றித் தன் தகுதியை மேலும் உயர்த்திக் கொண்ட்டது.

சொல்வதைச் செய்யும், செய்வதைச் சொல்லும் விகடகவி ஆசிரியர், எஸ்.ஜே. பால் முயற்சியில், சிறப்பு விருந்தினர், வி.கே.டி. பாலன் அவர்களுக்கு,"கலைமகள் புதல்வன்" என்ற பட்டம் சூட்டப் பட்டது.

கவிதை விபரம்தான் வி.கே.டி. பாலன் படத்திற்குக் கீழே கொடுக்கப்பட்டுள்ளது. தெளிவாகப் படித்திட கவிதையின் மேல் சொடுக்கவும். நன்றியுடன்.

வி.கே.டி. பாலன் குறித்த தகவல்களுக்கு,

http://www.maduratravel.com/profile.htm

http://www.worldtamilnews.com/

http://www.madurawelcome.com/

சென்னை: மண்ணுக்குப் பயனாகும் மனிதர்கள்!

மந்தைவெளி, கோடம்பாக்கம், மேற்கு மாம்பலம், சேத்துப்பட்டு, வடபழனி, இராயபுரம், அடையாறு மற்றும் தாம்பரம் ஆகிய இடங்களில் அதிகாலை வேளையில் ஒரு காட்சியினைச் சிலர் கண்டிருக்கலாம்.

மூன்று சக்கர வண்டியில் சின்னஞ்ச்சிறு செடிகளையும், விதைகளயும் வைத்துக் கொண்டு சாலையோரங்களில் தூவிக் கொண்டும், நட்டுக் கொண்டும் செல்லும் காட்சிதான் அது!

யார் அந்த இருவர்? சென்னை மயிலாப்பூர் ஸ்ரீரெங்கா ஆஸ்பிடலைச் சேர்ந்த டாக்டர்.ஆர்.மாதவன், ஒருவர்! ரிசர்வ் வங்கியில் டெப்டி ட்ரசுரர் ஆகப் பணியாற்றி பணிவிடை பெற்ற வி.சுப்பிரமணியன் மற்றொருவர்!

மந்தைவெளிப் பகுதியில் 1990-களில், இவர்கள் துவக்கிய சுற்றுச் சூழல் பாதுகாப்பு இயக்கம் சக்கைப் போடு போடுகின்றது! சக்கைப் போடென்றால் வெற்றி நடை போடுகிறதென்றுதானே அர்த்தம்?

20000 செடிகளுக்கு மேல் வளரச் செய்து சென்னையின் சாலையின் இரு பக்கங்களையும் பசுமையாக்கியிருக்கின்றார்கள்.

இதற்கு இவர்கள் பிறர் உரிமையைத் தட்டிப் பறிக்கவுமில்லை; பெயரைக் கூட்டியொ குறைத்தோ எந்த மாநாட்டையும் கூட்டவில்லை: எந்த வேலையையும் யாருக்கும் பங்கீடும் செய்யவுமில்லை. மாநாடு, வேலைப் பங்கீடு என்ற வார்த்தைகள் உங்களுக்கு உலகத் தமிழ்ச் செம்மொழி மாநாட்டை நினைவு படுத்தினால் இந்த வலைப் பதிவருக்கு மகிழ்ச்சியே!

இவர்கள் இலவசமாக வழங்கிய செடி-விதைகள் மட்டுமே ஒரு லட்சத்தைத் தாண்டிவிட்ட்டன. இது உண்மை; வெறும் வார்த்தை இல்லை. உங்கள் பகுதியிலும் இதனை நடைமுறைப் படுத்திட ஆசையா?

சுழற்றுங்கள் எண்களை! 9840472623 அல்லது 044/24938368

இத்தகையவர்கள்தான் பூமிக்குப் பயனாகும் மனிதர்கள்; மற்றவர்கள் சுமை/பாரமானவர்கள், பூமிக்கு! சரிதானே, வலைப்பூ நேசிப்பு நாயகர்களே?

பொது இடத்தில் கணவன் மனைவி முத்தம் கொடுப்பது ஆபாசமல்ல!-டெல்லி உயர் நீதிமன்றம் தீர்ப்பு!

04-09-2008- டெல்லி துவாரகா மெட்ரோ ரயில் நிலையம் அருகில்! சிரித்துப் பேசிக் கொண்டிருந்த இளஞ் ஜோடி முத்தம் கொடுத்ததாகத் தெரிகின்றது. பார்த்த சில புண்ணியவான்கள் போலீஸில் புகார் செய்தனர். ஜோடி கைது செய்யப்பட்டனர்; வழக்கும் பதிவானது. பின்னர் போலீஸ் ஸ்டேஷனை விட்டு ஜோடி வெளியேறியது.

ஜோடிகள் கோர்ட்டில் கொடுத்த தன்னிலை விள்க்கம்:- " நாங்கள் காதலர்கள்; வீட்டில் எதிர்ப்பு.எங்கள் திருமணம் ஆர்ய சமாஜ் கோயிலில் திருமணம் நடந்தது. திருமணத்தைப் பதிவு செய்யும் வரை தனித் தனியே வாழ்வதென்று தீர்மானித்தோம். இச்சூழலில் துவாரகா மெட்ரோ நிலையத்தில் சந்தித்தோம். பேசிக் கொண்டிருந்தோம், அவ்வளவுதான்! செல்போனில் படமெடுத்தோம். மற்றப்படி முத்தம் எதுவும் கொடுத்துக் கொள்ளவில்லை."

நீதிபதியின் தீர்ப்பும் வியப்பும்:- "போலீஸ் பதிவு செய்த வழக்கிற்குத் தடை விதித்தார்.புது மணத் தம்பதிகள் பொது இடத்தில் முத்தம் கொடுப்பது ஆபாசம் அல்ல.திருமணம் ஆனவர்கள் என்பது தெரிந்த பின்பும் போலீசாரின் நடவடிக்கை எடுத்தது அதிர்ச்சியாக உள்ளது."

போலீஸ் ஸ்டேசனில் புகார் கொடுத்த பொதுமக்களும், நடவடிக்கை எடுத்த போலீசாரும் இதில் முத்தத்தில் காட்டிய அக்கறையைச் சமூகப் பிரச்சினைகளிலும் காட்டலாமே?

அது என்ன ஐயா "தவறான" மின் உபயோகம்? மாட்டிக் கொண்டதால் உண்மை வெளி வருகின்றதா? அதனால்தான் "திருட்டு" என்ற வார்த்தைப் பயன்பாடு இல்லையா?

சென்னையிலிருந்து மகாபலிபுரம் செல்ல இரண்டு சாலைகள் உள்ளன. ஒன்று! கிழக்குக் கடற்கரைச் சாலை! புதியது, என்பதைவிட, வசதி படைத்தவர்களுக்கு சொர்க்கபுரி! இரவு நேரங்களில் சாலைகளில் குடித்து விட்டுக் கும்மாளம், ஆட்டம், பாட்டம் , கொண்டாட்டம் என்று யுவன்/யுவதிகள் காவல் துறையில் மாட்டிக் கொண்டால் மாமூலில் சரியாக்கப்படுவதும், நடிகர்/நடிகைகள் கூட மாட்டிக் கொண்டால் எச்சரித்து விடப்படுதல் அல்லது எப்போதாவது பத்திரிக்கை பெட்டிச் செய்தியா(க்)- கி விடுவதும் சர்வ சாதாரணமான நிகழ்வுகள்!


மற்றொன்று பழைய மகாலிபுரம் சாலை! பழைய/புதிய மகாபலிபுரம் இர்ண்டு இருக்கின்றனவா என்ற ஐயப்பாட்டைத் தோற்றுவிக்கக் கூடிய பெயர்! சங்கமம் கனிமோழி சாலை என்றுகூட, அவர்களுக்குத் தோன்றினால் புதிய பெயரைக் கூட சூட்டிக் கொள்ளலாம்! மகாபலிபுரதிற்குக் கொண்டு சேர்த்திடும் சாலை; புதிதாக east coast road வந்து விட்டாதால் பழைய சாலையாகி விட்டது.

பெயரில்தான் பழைமை இருக்கின்றதே தவிர, புதிதாக இந்த்ச் சாலையில் பயணிப்பவர்களுக்கு நாம் இருப்பது சென்னையா/வெளிநாடா என்றோரு எண்ணத்தை ஏற்படுத்துமளவிற்கு புதிதாய் ஆக்கப்படுவிட்ட சாலை!

அடையாறு மத்திய கைலாஷ் கோவிலிலிருந்து உள்ளே செல்லத் துவங்கியதிலிருந்தே இந்த உணர்வு உதயமாகிவிடும். இடப்புறம் பறக்கும் ரயில் பாதை சிறிது தூரம் நம்மோடு பயணிக்கும். பின்னர் உயரமான வண்ண வ்ண்ணக் கட்டிடங்கள் பல்வேறு வடிவங்களில் சாலையின் இருமருங்கிலும் நம்மை வரவேற்கும். அனைத்துமே நம் இந்திய கணினி வல்லுநர்களை மூலதனமாக்கி அந்நியப் பணத்தை அள்ளித் தரும் அட்சய பாத்திரஙகள்.

அந்தக் கட்டிடங்கள் அனைத்துமே IT- கம்பெனிகளுக்குச் சொந்தமானவைதான் என்று நாம் நினைத்தால் ஏமாந்து போவோம். மிகப் பெரும்பாலனவை யாருக்கோ சொந்தமானவை! IT நிறுவனங்கள் பல ஆண்டுகளுக்கு லீசுக்கு- குத்தகைக்கு எடுத்திருக்கின்றன. IT நிறுவனங்களைவிட இத்தகைய கட்டிடங்களின் உரிமையாளர்களின் புத்திசாலித்தனம் பாராட்டுக்குரியுது. ஏனெனில், எந்த ஏற்ற இறக்கமும் இவர்களுக்கு ந்ஷ்டத்தை ஏற்படுத்தாது. வாடகை மொத்தமாகவோ/மாதந்தோறுமோ/ஆண்டிற்கொருமுறையோ தவறாமல் வந்துவிடும்.

பினாமிச் சொத்துக்கள் குறித்த புலனாய்வுப் பத்திரிக்கைகளுக்கு இப்பகுதிக்குள் நுழைந்தால் நல்ல "தீனி" கிடைக்கக்கூடும்.

வருமானவரிதுறையினர் மனசு இப்பக்கம் திரும்ம்பினால், வரி ஏய்ப்புக்கள் பல வெளிச்சத்திற்கு வரக்கூடும்.

பல தொழிற் சங்கத் தலைவர்களின் தூக்கத்தக் கெடுக்கும் "AREA"-க்கள் இந்தப் பகுதியிதான் உள்ளன. அவர்கள் எல்லாம் சேர்ந்து 1947-லிருந்து இன்றுவரை தொழிலாளர்களுக்காகப் பாட்பட்டுக் களைத்துப் போன நிலையில் புதிதாக ஒரு பேருண்மையைக் கண்டு பிடித்திருக்கின்றார்கள்!தினமணியில் வந்த செய்தி. அனத்துத் தொழிலாளர்களும் வெட்கித் தலைகுனிய வேண்டிய விஷயம்.

உலகத் தொழிற் சங்கச் சட்ட திட்டங்கள் நடைமுறைப் படுத்தப்ப்ட்டது போல் தோன்றினாலும், சட்டப்படி இன்னும் மதிய அரசால் சட்டமாக்கப் படவில்லை என்று திடீர் ஞானோதத்திற்கு ஆட்பட்டு, மதவாதக் கட்சியின் தொழிற்சங்கமான பாரதீயத் தொழிற்சங்கக்களைக் கூட விட்டுவைக்காமல் கூட்டணி அமைத்து, மத்திய அரசு தொழிற்சங்கம் வைத்தல் போன்ற எங்கள் கோரிக்ககளை சட்டமாக்க வேண்டும் என்று கோரிக்கை வைத்திருக்கின்றார்கள். வேண்டுமென்றுதான் இந்தப் பத்தியை/பாராவை அவர்களைப் போலவே சுற்றி வளைத்து எழுகின்றேன்.

கோடீஸ்வரக் குடும்பத்தில் பிறந்து லண்டன் சென்று பார்-அட்-லா பட்டம் பெற்றுக் கோமானக வாழ்ந்திருக்க வேண்டியவர்! பட்டி தொட்டிகளுக்கெல்லாம் கிடைத்திட்ட வாகனங்கள் மூலமாகவெல்லாம் (இன்று பலர் அனுபவிக்கும் ஃபஸ்ட் கிளாஸ்/ ஏ.சி. டூ டையர்/ த்ரீ டையர்/ இரண்டாம் வகுப்பு ரிசர்வேசன் கூட) பயணித்து, கிடத்ததச் சாப்பிட்டு, கையிலிருக்கும் நாளிதழையே படுக்கையாக்கி, ஆங்கிலப் புலமை (அந்தக் காலத்தில் இங்கிலீஷ் பேசும் தொழிற்சங்கத் தலைவர் என்று ஒவ்வொரு தொழிலாளியும் பெருமை கொண்ட தோழர்), அறிவுத் திறன், உடல், பொருள், ஆவி அனைத்தையுமே கட்சிக்கும் தொழிலாளருக்கும் அர்ப்பணித்து வாழ்ந்து மறைந்த பெரியவர் கே.டி.கே. தங்கமணியின் மறைவு ஊர்வலத்திலும். பெசண்ட் நகர் மின் மயானத்தில் இரங்கற் கூட்டம் போட்டதில் காட்டிய அக்கறயில் நூற்றில் ஒரு பங்கை இன்றையச்சூழலில் மக்களுக்கு என்ன தேவை என்பதில் காட்டுவார்களானால்- என்றோ வரப் போகும் ஓரிரு MLA / MP பதவிகளுக்கான கூட்டணிச் சிந்தனைகளயெல்லாம் தூக்கியெறிந்துவிட்டு செயல் படுவார்களானால் எவ்வளவு நன்றாக இருக்கும்?

K.T.K. தங்கமணியின் இரங்கற் கூட்டத்தில் கலந்து கொண்ட என் மகன், கூட்டங்க் கலயும் வரை அசையாமல் அமர்ந்து உன்னிப்பாகக் கவனித்துவிட்டு, இப்படிப் பட்டவர்களெல்லாம் கூட அரசியலில் இருக்கின்றார்களா அப்பா? என்று கண்ணீர் மல்கக் கேட்டதை நினைத்து கண்களில் வடியும்
கண்ணீரைத் துடைத்துக்கொண்டெ பணியினைத் தொடர்கின்றேன்.

மூளையைக் காசாக்கும் புத்திசாலியான IT உழைப்பாளிகளே உங்களுக்கு ஒன்று சொல்வேன். சங்கம் வைத்திடும் உரிமயைப் பயன்படுத்தும் காலம் வரும் பொழுது நீங்களாகவே சங்கத்தை நடத்திக் கொள்ளுங்கள். எந்தக் கட்சிக்காரர்களையும் உள்ளே நுழைய அனுமைதிக்காதீர்கள்! நிர்வாகப் பொறுப்பு முழுவதும் -குறிப்பாகத் தலைவர் பதவி உட்பட எல்லாமே உங்களிடமே இருக்கட்டும். கருத்தரங்கங்கள் போன்றவற்றிற்கு மட்டுமே அவர்களைப் பயன் படுத்திக் கொள்ளுங்கள். அப்பொழுதுதான் IT-துறை நன்றாக இருக்கும்.

தன் ஒரே மகள் பாம்பு கடித்து இறந்துவிட்டாள் என்ற தகவல் பெற்றும்கூட ஜெயிலை விட்டு வெளியே வந்து பார்க்காமல், தண்டனைக்காலம் முடிந்த்வுடந்தான் வெளியே வருவேன் என்று வாழ்ந்து காட்டி மறைந்த திருச்சி எம்.கல்யாண சுந்தரம் போன்ற தலைவர்கள் எல்லாம் இன்று இல்லை. அதனால்தான் எச்சரிக்கையாக முன்னரே கூறுகின்றேன்.

தேவையும் நிர்ப்பந்தமும் ஏற்படும் பொழுது அதனை எதிர் கொள்ளும் துணிச்சலும் வீரமும் விவேகமான செயல்பாடுகளும் விலங்கினங்களுக்கே இருக்கும் பொழுது ஆறறிவு படைத்த மனிதனுக்கு இல்லாமலா போய்விடும்? இருக்கிறது. காலங் காலமாகத் தொடர்ந்தும் வருகின்றது. சிக்கல் ஏற்படும் பொழுது அதனைத் தீர்க்கும் தலைவனும் உங்களிடையே தோன்றுவான். இது இயற்கை விதி.

ஸ்டாண்டர்ட் மோட்டார் தொழிற்சாலை மீண்டும் திறக்கப் படவே இல்லை. டன்லப் தடுமாறுகின்றது. முத்தரப்புப் பேச்சு வார்த்தை என்ற பேரில் மூன்றாவதாக கட்சித் தலைவர்களை உள்ளே அனுமதித்தால் மூடுவிழா நிச்சயம்!

எனவே நீங்களளே கலந்தாராய்ந்து முடிவு செய்யுங்கள். நிர்வாகத்தோடு பேசும்பொழுது சரியான தீர்வுக்கு வர முடியவில்லையா "இன்று போய் நாளை வா" பார்முலா உதவி செய்யும். பிரசினையை பெற்றோரிடமும் கலந்தாராயலாம். கூட்டுச் சிந்தனை நல்ல முடிவினைத் தரும். ஒரு முறை தலமைப் பொறுப்பில் இருப்பவரையே தொடர்ந்து தளபதியாகி விடாதீர்கள்.

லயன்ஸ் கிளப் போன்றவற்றில் இருப்பது போன்று சுழற்சி முறையில் எல்லோருமே பொறுப்பைத் தட்டிக் கழிக்காமல் தளபதி ஆகுங்கள்.ஆண்/பெண் பேதமெல்லாம் வேண்டாம். வளமான வாழ்க்கை நிச்சயம் தொடர்கதையாகும்.

இப்பொழுது old mhaapalipuram saalaikku வருவோம். ஆங்கே செயல்படும் கம்பெனிகள் மின்சாரத்தைத் தவறான வழியில் பயன்படுத்தியிருக்கிறார்கள் என்ற செய்தி 2% தேதி பேப்பரில் வந்துள்ளது. தவறு என்றுதான் சொல்கின்றார்களே தவிர திருட்டு என்று சோதனைக்கு வந்த தமிழ்நாடு மின் வாரிய அதிகாரிகளால் கூற முடியவில்லை. அதிகாரிகளுக்கும் நிறுவன நிர்வாகிகளுக்கும் ஆயிரம் உறவுகள் இருந்திருக்கக் கூடும்.

அரசியல்வாதியின் சொத்துக் குவிப்பு விஷயமாவது அடிக்கடி வெளியே வந்துவிடுகின்றது. ஆனால் அதிகாரிகள் விஷயம் .....? காண்ட்ராக்ட்/ஒப்பந்தம்/டெண்டர்/ஓப்பன் டெண்டர் எதுவாக இருப்பினும் ஏதெனும் ஒரு வடிவில் லஞ்சமும், ஊழலும் இருந்தே தீரும். மாற்று வழிகள் நிரம்ப உள்ளன. அதைத் தனியாகக் காணலாம், பிரிதோரரிடத்தில்!

இதுபோல் தவறான மின் உபயோகங்கள் எங்கெங்கு இருக்கக் கூடும் எனக் கண்டுபிடித்து தவறை/திருட்டை சரிசெய்யுங்கள். TNEB நிர்வாகிகளே !

அடுத்து பொது மக்கள் சார்பாக ஒரு வேண்டுகோள்!

மாதந்தோறும் மின் கட்டணம் செலுத்தும் முறையைக் கொண்டுவாருங்கள்.

இருமாதங்களுக்கு ஒரு முறை விட்டுக்கு வந்து மீட்டர் ரீடிங்க் பார்ப்பவர்களும். அலுவலகத்தில் மின் கட்டணத்தை வசூல் செய்பவர்களூம் ஒரேநபராகவே இருக்கின்றார்கள்.இது சரியில்லை. இதனால் ஏற்படும் தவறுகளைச் சரி செய்யவே நடையாய் நடக்க வேண்டியதிருக்கின்றது.யாருக்காவது இந்தத் தவறுகள் நடந்து கொண்டுதான் இருக்கின்றன.

வேலைப் பங்கீடு சரியாக இல்லை. அவசியாமானால் புதிய ஊழியர்களை வேலைக்கு எடுத்துக்கொள்ளுங்கள்.பணம் வசூல் செய்ய/ மீட்டர் ரீடிங்க் கணக்குப் பார்க்க வெவ்வேறு
ஆட்களைப் போடுங்கள். எங்களிடம் மாதா மாதம் பணம் வசூலித்து விடுங்கள். இருவருக்குமே அது நல்லது.

மின் துறைக்கு வரவேண்டிய பணம் அனாவசியமாக ஒருமாதம் பொது மக்களிடம் இருக்க வேண்டிய அவசியம் ஏன்?

இருமாதங்களுக்கொருமுறை பணம் செலுத்துவதால் அதிகமாக மின்கட்டணம் செலுத்த வேண்டிய நிர்ப்பந்தத்தையும் பொதுமக்கள் மீது வலிந்து திணித்து எஙகள் மின் செலவையும் அதிகரிக்கச் செய்கின்றீர்கள். இது எந்த வகையில் நியாயம்?

அண்மையில் சென்னைப் புறகர்ப் பகுதி ஒன்றில் மீட்டரில் கோளாறு. சிபாரிசுடன் மீட்டர் மாற்றவும் பட்டது. 2000-ம் ரூபாய் கேட்டார்கள். 500 ரூபாய்தான் தருவேன் என்று வீட்டுக் காரர் கூறுகின்றார். ரசீது தந்தால் பணங்கொடுப்போம். (கேபிள் சங்கர் தூண்டல்) இல்லை என்றால் எதுவும் வேண்டாம். நானும் வருகின்றேன். என்று சொல்லி வந்துள்ளேன். ஆங்காங்கே லஞ்சத்தில் மாட்டி விடப்படுபவர்களைக் கண்டும்/கேட்டும்/படித்தும் திருந்தாத ஜென்மங்களைத் திருத்தத்தானே வேண்டும்.

கேபிள் சங்கர் மீண்டும் b12 ஊசி போட்டுவிட்டதன் காரணமாக அந்த EB அலுவலகம் ஒரு தவறு செய்திடாமல் தப்பித்துக் கொள்ளப் போகின்றது.

கேபிள் சங்கர் ஜிந்தாபாத்! தவறு/திருட்டு -க்குதுணை போகும் அதிகாரிகள் முரதாபாத்!

திருந்தாவிட்டால் திருத்தப் படுவீர்கள்! அதிகாரிகளுக்கு மட்டுமல்ல / அரசியல் வாதிகளுக்கும் தான்!

பொது சேவை அமைப்புக்கள் சொத்து சேர்க்கக் கூடாது என்று பாடம் நடத்தும் சிகப்புக் கட்சிகள், அடுக்கு மாடிக் கட்டிடங்களைக் க்ட்டத் துவங்கிவிட்டன். வரவேற்கப் பட வேண்டிய மாற்றம். சந்தோஷம்!

வெளியூர்களில் இருந்து வருவோர் கேட்டால் இலவச உணவும், இலவச தங்குமிடமும் கொடுங்கள். முடிந்தால் நன்கொடையாக ஏதெனும் கொடுத்தால் வாங்கிக்கொள்ளுங்கள்.

பெரியார் பேரைச் சொல்லிக் கொண்டு பிரச்சார நிறுவனம் என்று சொல்லிக் கொண்டு 5 ரூபாய் கூடப் பெறாத மாத இதழுக்கு 10/15 விலை வைக்கும் கொடுமையைப் போல் நீங்கள் நடக்காதீர்கள்! நன்கொடை விலை என்று போடுவதுதான் அவர்கள் ஃபார்முலா ஏன் மாற்றினார்கள்? நாள்/வார/ மாத இதழாக இருந்தாலும் லாபம் பார்க்காமல், "nO loss no gain" -தானே சரியான திசைவழி! வீரமணி அண்ணாசிக்கு எழுதிய பகிரங்கக் கடிதம் புறக்கணிக்கப் பட்டால் நோட்டீஸ்கள் பறக்கும்.

எல்லோருமே தவறுகளத் திருத்திக் கொள்வோம்! மக்களுக்காக நல்ல மாற்றங்களைக் கொண்டு வருவோம்.

!. மின் தவறான/திருட்டு சரிசெய்தல் வேண்டும்.

2. அரசியல் கட்சித் தலைவர்கள் தொழிலாழிகளைக் குழப்பாதீர்கள். சந்தா வேண்டாம். ஆண்டிற்கொருமுறை நன்கொடையாக ஏதேனும் தருகின்றோம். பிழைத்துப் போங்கள்! எங்கள் பிரச்சினயை எங்களுக்குள் ஒருவரைத் தலவராகத் தேர்ந்தெடுத்துத் தீர்த்துக் கொள்வோம். கட்சியயும்/சங்கத்தையும் போட்டுக் குளறுபடிகள் வேண்டாம்.

3. மாதந்தோறும் மின் கட்டணம் செலுத்த விடுங்கள்.

கல்யாண வீட்டில் அரசியல் பேசும் போது, TNEB-விவகாரத்தில் தோன்றிய எண்ணங்களைக் கூறியுள்ளேன். அது சரி என்றால் இதுவும் சரிதான்.

முறையான கட்டுரைகள் தொடரும். உண்மக்கு யாரும் உறை போட்டுவிட முடியாது.

தொண்டுளங் கொண்ட டாக்டர் பினாயக் சென்! அவரது துணவியார் இலினா அம்மையாருடன்!

இந்தப் படத்தில் இருப்பவர் பெயர்தான் பினாயக் சென். அசல் டாக்டர். ஆம்! நமது தமிழ் நாட்டில் உள்ள வேலூர் சி. எம்.சி. மருத்துவக் கல்லூரியில் (1966-1970) குழந்தைகள் மருத்துவத்தில் பட்ட மேற்படிப்பை முடித்தவர். அருகில் இருப்பது அவரது மனைவி, இலினா.

2007-மே மாதம் சத்திஸ்கர் மாநிலம், பிலாஸ்பூரில், காவல்துறையினர் இவரைக் கைது செய்தனர். சிறையிலும் அடைத்தனர். எதற்காக?

அந்த மாநில மனித உரிமை ஆணையத்திடம் இவர் அளித்த புகார் பெரும் புயலை ஏற்படுத்தியதுதான் காரணம். இவரது புகாரின் அடிப்படையில் , மேற்கொண்ட விசாரணையால் பல உண்மைகள் வெளிச்சத்திற்கு வந்தன. சந்தோஷ்பூர் என்ற இடத்தில் மொத்தமாகக் கொன்று குவித்துப் பூமிக்குள் புதைக்கப் பட்ட ஆதிவாசிகளின் பல உடல்கள் தோண்டி எடுக்கப் பட்டன. அப்பாவி மக்களை மாவோயிஸ்டுகளாக்கி, கோடாரியால் வெட்டியும், துப்பாகியால் சுட்டும் கொலை செய்து புதைத சிறப்புக் காவல் படையினரின் செயல்கள் அம்பலத்துக்கு வந்தன. உண்மை கண்டறியும் குழுக்கள் பலவற்றை ஏற்படுத்தினார். மனித உரிமை மீறல்களைக் கண்டறிந்தார். தக்க சாட்சியங்களுடன் மக்களின் கவனத்த்ற்குக் கொண்டு வந்தார். நீதித்துறை மூலமாக நியாயம் பெறவும் முயற்சித்து வந்தார். இவரது மனித உரிமைப் போராட்டங்களுக்கு முற்றுப் புள்ளி வைக்கவே , இவரைப் போலீசார் கைது செய்து சிறையில் அடைத்தனர்.

டாக்டருக்குப் படித்த சென்னுக்கு ஏன் மக்கள் மேல் இவ்வளவு கரிசனம்? காந்தீயத்தின் பால் கொண்ட கொள்கைப் பிடிப்பு , இந்திராஜியின் அவசர நிலைக் காலக் கட்டத்தில், இவரை ஜெயப் பிரகாஷ் நாரயணரின் இயக்கத்தில் கொண்டுபோய்ச் சேர்த்தது. மார்க்சிய சிந்தனையாளர்களுடன் ஏற்பட்ட தொடர்பு இவரை தொண்டுளங் கொண்ட டாக்டராகப் பரிணமிக்கச் செய்தது.

சதிஸ்கர் சுரங்கத் தொழிலாளர் உதவியுடன், சென்னும், அவரது மனைவி இலினாவும் சேர்ந்து ஷகீத் மருத்துவ மனையை உருவாக்கினர். அவர்களது நலனுக்காகப் பாடுப்ட்டு வந்தனர். மொத்ததில் சுரங்கத் தொழிலாளர்களுடன் ஐக்கியாமாகிவிட்டனர்.

சுரங்கத் தொழிலாளர்கள், புறக்கணிக்கப் பட்ட மக்கள் ஆகியோரின் , அரசியல் சமூக பொருளாதார உரிமைகளை மீட்டெடுப்பதில்தான் அவர்களது மெய்யான ஆரோக்கியம், மற்றும் முன்னேற்றம் உள்ளதென்ற கொள்கையுடன் கணவனும், மனைவியும் செயலாற்றி வந்தனர்.

ரூபென்தா என்ற சேவை அமைப்பின் மூலம், மக்களிடமிருந்த குடிப்பழக்கம், பெண்களுக்கெதிரான கொடுமைகளை எல்லாம் அகற்றிட முயன்று வந்தார். இத்தகைய மனிதாபிமானச் செயல்பாடுகளின் தொடர்ச்சிதான் இவரை அரசாங்கத்திற்கு எதிராகச் செயல்படுவதாகக் கூறி காவல்துறையினர் கைது செய்து ஜெயிலில் அடைக்குமளவிற்குக் கொண்டு சென்றது.

உண்மையைச் சொல்பவன் எல்லாம் கம்யூனிஸ்ட் என்றால் நானும் ஒரு கம்யூனிஸ்ட்தான் என்பது போன்ற் வசனத்தைக் கமல் ஒரு திரைப்ப்டத்தில் பேசி நடித்ததாக ஞாபகம். ஆனால், நடை முறை வாழ்க்கையில், எந்த ரகசியச் செயல்களிலும் ஈடுபடாத சென்னை மாவோயிஸ்டுகளோடு கூண்டில் ஏற்றி, பொடாவை விட மோசமான, சத்திஸ்கர் சிறப்பு பாதுகாப்புச் சட்டம் 2006-ன் கீழ் கைது செய்தது காலத்தின் கொடுமை என்றுதான் சொல்லத் தோன்றுகின்றது.

ஆனால், அமர்த்யாசென், அருணாராய், அருந்ததிராய், டெல்லி உயர் நீதிமன்ற ஓய்வு பெற்ற நீதிபதி ராஜீந்தர் சச்சார், சினிமா தயாரிப்பாளர் ஷ்யாம் பெங்கால், மற்றும் இந்தியாவில் உள்ள மருத்துவ- அறிவியல் பிரபலங்கள் எல்லோருமே பினாயக் சென் கைது செய்யப் பட்டதைக் கண்டித்ததோடு, விடுதலை செய்யுமாறும் வற்புறுத்தினர். அமெரிக்கா, யுனைடெட் கிங்டம், ஆஸ்திரேலியா மற்றும் உலகம் முழுவதும் இயங்கி வரும் பல்வேறு மனித உரிமை அமைப்புக்களும் இவர்களோடு இணந்து போராடின.

பல சதுரமைல்கள் நிலப்பரப்பை சீனாவிடம் பறிகொடுத்த நிலையிலும், காஷ்மீர்ப் பிரச்சினையிலும், பாகிஸ்தானின் வ்ன்கொடுஞ்ச் செயல்பாடுகளிலும் ராஜ தந்திரம் என்ற போர்வையில் மெத்தனப் போக்கைக் கைப்பிடிக்கும் இந்திய அரசு, பினாயக் சென் விஷயத்தில் மட்டும் தீவிரமாகச் செயல் பட்டதன் மூலம் ஜனநாயகப் படுகொலை செய்ததாகவே என் புத்திக்குத் தோன்றுகின்றது.

எனக்கும் பினாயக் சென்னுக்கும் எந்தவிதமான ஒட்டும் இல்லை; உறவும் இல்லை. ஆனால், இந்தியர் எல்லாம் உடன்பிறப்புக்கள் என்றால் அவரும் என் உடன் பிறப்புத்தான்!

வேலூர் கிறித்துவ மருத்துவக் கல்லூரி ஆண்டுதோறும் வழங்கிவரும் கிராமப்புற ஏழை மக்களுக்காக உழைக்கும் உத்தமர்களைக் கௌரவிக்கும் பால்ஹாரிசன் விருதினை 2004-ல் சென்னுக்கு வழ்ங்கியது.

இந்திய அகடமி ஆப் சோஷியல் சயின்ஸ் ஆர்.ஆர். க்யித்தன் தங்கப் பதக்கம் 2007-ல் வழங்கியது.

உலக சுகாதார மனித உரிமை அமைப்பு 2008-ல், ஜோனாதன் மன் விருதுக்கு இவரைத் தெரிவு செய்தது.

இத்தகைய எல்லாப் புகழுக்கும் சொந்தகாரரான பினாயக் சென்னை, இந்திய அரசாங்கம் பெருமைப் படுத்திட வேண்டாம், சிறுமை படுத்தாமலாவது இருந்திருக்கலாமல்லவா?

கடலில் தூக்கிப் போட்டாலும் மூழ்கிவிட மாட்டேன் கட்டுமரமாவேன்; நீங்கள் அதன் மீதேறிப் பயணஞ் செய்யலாம் என்று நடைமுறைக்கு ஒத்து வராத வசனத்தை நாள்தோறும் ஒளிப் பெட்டியில் கேட்டுத் தொலக்க வேண்டிய சூழலில் வாழும் நமக்கு,

கடாமார்க் சாராயத்தை அறிமுகப் படுத்தி சாராய வாடையே தெரிந்திராத ஒரு தலைமுறையைக் குடிமகனாக்கிய பலமுறை தமிழக முதல்வரான தமிழ்ப் புதல்வரின் தமிழகத்தில் வாழும் நமக்கு,

குடிபோதைக்கு மக்கள் ஆளாகக் கூடாதென்ற கரிசனமும், எல்லோரும் எல்லாமும் பெற வேண்டும் என்ற உயரிய குறிக்கோளும் கொண்ட பினாயக் சென்னைப் பற்றி சிறிதளவேனும் வலைப்பூ அன்பர்களோடு பகிர்ந்து கொண்டதன் மூலம் விமோசனம் கிடைக்கும் என்ற உள்ளோசையோடு ,(உளியின் ஓசை அல்ல) வாய்ப்புக் கிடைத்த்தால் தமிழ்நாட்டிற்கு ஒருமுறையேனும் அந்த மெய்யான மனித தெய்ப்வத்தை வரச் செய்திட வேண்டும் என்ற ஆதங்கத்தோடு இந்தப் பதிவினைத் த்ற்போதைக்கு நிறைவு செய்கின்றேன்.

இரண்டாண்டுக்கால சிறை வாசத்திற்குப்பின் நமது நாட்டின் உச்ச நீதிமன்றம் பினாயக் சென்னை பிணையக் கைதியாய் கடந்த மே 2009-ல் வெளியே விட்டுள்ளது என்பது பதிவில் விடுபட்ட செய்தி.

"வெறுக்கப் பட வேண்டியது குற்றங்கள்தான்; குற்றவாளியை அல்ல" என்று போதித்த மகாத்மா காந்தியைத் தந்தையாகக் கொண்ட புண்ணிய பூமியில் ஒரு புனிதருக்கு சாதாரண அமைதியான வாழ்க்கை கூட மறுக்கப் படுவதென்பது எந்த வகையில் நியாயம் ?

குறைந்த கட்டணத்தில் புதிய ரயில்! வேலை தேடும் இளஞ்ர்களுக்கு!

வேலை தேடும் இளைஞர்களுக்காக , மும்பை-தில்லி, தில்லி-கொல்கத்தா ஆகிய இரு வழித் தடங்களில் இயங்கப் போகின்றது.
வாராந்திர ரயிலாக இது அறிமுகமாகும்.
இந்த முன்னோட்டத்திற்குத் தரப்படும் ஆதரவைப் பொறுத்து இந்தியாவின் இதர பகுதிகளிலும் இந்த சேவை விரிவு படுத்தப்படும்.

5 -வயது முதல் 12-வயது வரை இந்தச் சிறப்பு ரயிலில் பாதிக் கட்டணமே செலுத்திப் பயணிக்கலாம்.

மற்றவர்களுக்கு,

1500 கிலோமீட்டர் வரை அதிக பட்சக் கட்டணம் ரூபாய் 299/-

1500-கு மேல் 2500 கிலோமீட்டர் வரை 399ரூ.

15-45 வயதுடைய வேலை தேடும் இளைஞர்கள் பயன் படுத்தலாம்.

60% வேலை தேடுவோரும், எஞ்சிய பெட்டிகளில் பொதுப் பயணிகளும் பயணிக்கலாம்.

நன்றி:- தினமணி, 23,டிசம்பர், 2009.

உயர் கல்வி பெற விரும்பும் மாணாக்கரின் ஆங்கிலத் திறனைமேம்படுத்திட புதிய மென்பொருள் அறிமுகம்!

போதுமான ஆங்கிலப் புலமைக் குறைவே இன்றைய தமிழக இளைஞர்களின் முன்னேற்றத்திற்குத் தடைக்கல்லாய் உள்ளது. தகவல் பரிமாற்றங்களுக்கான திறனை மேம்படுத்தும் புத்தகங்களையும், மென்பொருட்களயும் பயன்படுத்தித் தத்தம் திறமைகளை வளர்த்துக் கொள்வது காலத்தின் கட்டாயமாக உள்ளது.

மானிக் மங்கி- MANICK MONKEY -என்பது யுனைடெட் கிங்டத்தில் உள்ள ஓர் நிறுவனம். இபெக் லாபரட்டரீஸ் (EBEK LABORATORIES) சென்னை மற்றும் தமிழத்தின் பல் இடங்களில் இயங்கிவரும் ஓர் நிறுவனம்.

மேற்படி நிறுவனம் மானிக் மங்கியுடன் இணைந்து லிட்டில் ஃபிரிட்ஜ் என்னும் புதியதோர் மென்பொருளை அண்மையில் அறிமுகம் செய்துள்ளது. இது பள்ளிப் படிப்புக்கும் உயர்கல்விக்கும் இடையில் நிலவும் ஆங்கிலப் புலமைக் குறைவை ஈடு கட்டும். முற்றிலும் உரையாடல் வ்டிவிலேயே அமைக்கப் பட்டுள்ளது.

பத்துக்கும் மேற்பட்ட நாடுகளில் பயன்படுத்தப் படுகின்றது. அடுத்த 3 ஆண்டுகளில் இந்தியாமுழுமையுமாக 5 லட்சம் மாணாக்கருக்கு அறிமுகப் படுத்திடத் திட்டம் தீட்டியுள்ளது.

ஆர்வலர் அணுகவேண்டிய தொடர்பு எண்:-32427888

தேடலைத் தொடரும் இளைஞர்களின் முன்னேற்றத்திற்காகவே இந்த வலைப்பூ பதிவு.

+ 2 முடித்தவர்கள் ஐ.ஐ.டி.யில் நேரடியாக சிறப்பு எம்.ஏ. படிக்கலாம்!

+2 தேர்வில் குறைந்த பட்சம் 60% மதிப்பெண் எடுத்திருக்க வேண்டும்!

SC, ST, மற்றும் உடல் ஊனமுற்றவர்கள் 55% மதிப்பெண் எடுத்தால் போதும்!

சென்னை, கோவை, மதுரை, திருச்சி, பெங்களூர், மும்பை, ஹைதராபாத், கொச்சி, திருவனந்தபுரம், கொல்கத்தா, டெல்லி, ஆகிய மையங்களில் நுழைவுத் தேர்வு நடத்தப்படும்.

எல்லோருக்கும் தேர்வுக் கட்டணம் 800 ரூபாய் ஆகும். பெண்கள், SC,ST, வகுப்பினர், மற்றும் ஊனமுற்றோருக்கு கட்டணம் 400 ரூபாய் மட்டும்.

கூடுதல் விபரங்கள் தேவைப்படுவோர் 044/2257 8220 என்ற எண்ணை அணுகலாம்.

http//: hsee.iitm.ac.in இணையத்தின் மூலம் on line-ல், விண்ணப்பிக்கலாம். அவ்வாறு விண்ணப்பித்து டவுன் லோடு செய்த விண்ணப்பத்தை பிப்ரவரி மாதம் 1-தேதிக்குள் சென்னை IIT-க்கு அனுப்ப வேண்டும்.

இதற்கான நுழைவுத் தேர்வு மே மாதம் 2-தேதி நடத்தப் படும். தேர்வு 3 மணி நேரம் நடக்கும். ஆப்ஜெக்டிவ் முறையிலான தேர்வு 2.5 மணி நேரமும், கட்டுரை எழுதும் தேர்வு .5 மணி நேரமும் நடக்கும்.

மாணவர் சேர்க்கையில் ஆதி திராவிடர்களுக்கு 15%-மும், பழங்குடியினருக்கு 7.5% -மும், இத்ர பிற்படுத்தப் பட்ட வகுப்பினருக்கு (O.B.C) 27%-மும், இட ஒதுக்கீடு வழங்கப் படுகின்றது.

ஆங்கிலம், பொருளாதாரம், வளர்ச்சி ஆகிய பாடப் பிரிவுகளில் ஒருங்கிணைந்த எம்.ஏ. படிப்பு வழங்கப் படுகின்றது.

நன்றி:- தினத் தந்தி, 22-12-2009.

இராமேஸ்வரம் பாம்பன் பாலமும் 20 கோடிச் செலவில் உருவாகும் ராடார் திட்டமும்:-

மேல்நோக்கித் திறந்து கப்பல் போக வழி விடவும், கீழிறங்கி இருபுறமும் உள்ள இரும்புத் தண்டவாளங்களை இணத்து ரயில்வண்டிகள் பயணிக்க வழிவிடவும் உதவும் பாம்பன் பாலம். 1914-ல் அமைக்கப்பட்டது. 2007-ல் சீரமைக்கப்பட்டது. உலக அளவில் இவ்வகையில் இப்பாலத்திற்கு இரண்டாவது இடம்.


20 கோடித் திட்ட மதிப்பீட்டில் DOPPLER WEATHER RADAR -பாம்பன் பாலத்தின் அருகில் இன்னும் இரு ஆண்டுகளுக்குள் நிறுவப் பட உள்ளது.

இந்த DOPPLER WEATHER RADAR, கொல்கத்தா, பாரடீப்(ஒரிசா), விசாகப்பட்டினம், மசூலிப் பட்டினம், சென்னை மற்றும் காரைக்காலில் உள்ளன.

இந்தியக் கிழ்க்குக் கடற் கரை முழுவதையும் கண்காணித்துக் கொள்ள இயலும்.

வாழிய பாரத மணித் திருநாடு!

நன்றி:-டைம்ஸ் ஆப் இந்தியா, 22, டிசம்பர்,2009.

சமய குருவின் இறுதி ஊர்வலத்தில் மக்கள் வெள்ளம்,!

CLERIC GRAND AYATOLLAH HOSSEIN ALI MONTAZERI- மரண ஊர்வலத்தில் வெள்ளமெனத் திரண்ட மக்கள் கூட்டம்! அரசுக்கெதிரான முழக்கங்களும் எழுப்பப் பட்டதாக இணையங்கள் தெரிவிக்கின்றன.

பல்லாயிரக் கணக்கான மக்கள் கூட்டத்தினர் காணப்பெற்றதாக புரட்சியாளர்களின் இணையம், JARAS- கூறுகின்றது.

MIRHOSSEIN MOUSAVI, MEHDI KARROUBI ஆகிய எதிர்க் கட்சித் தலைவர்கள் , MONTAZERI'S வீட்டில் அஞ்சலி செய்தனர்.


மரண ஊர்வலத்தில் பச்சைத் துணிகளுடனும், அவரது போட்டோக்களுடனும் மக்கள் பங்கேற்ற காட்சி.

1979-ல் ஈரானில் நிகழ்த்திய இஸ்லாமியப் புரட்சித்தலைவர்களுள் ஒருவர். அயதுல்லா கோமேனிக்குப் பிறகு அவரது வாரிசாகவும் சிலகாலம் தொடர்ந்தார்.

http://www.spiegel.de/fotostrecke/fotostrecke-50093-6.htm

காசியிற் பேசுகின்ற புலவர் உரைதாம் காஞ்சியிற் கேட்பதற்கோர் கருவி செய்யச் சொன்னார் கவிஞர் சுப்பிரமணிய பாரதியார். இன்று உலகத்தின் ஏதோ ஓர் மூலையில் நடக்கும் நல்லது கெட்டதுகளை வீட்டிற்குள் கொண்டுவரும் அளவிற்கு அறிவியல் வளர்ந்துவிட்டது. ஆனால், மனிதம் வளர்ந்திருக்கின்றதா என்பதே கேள்வி.

மரணித்தவரின் செல்வாக்கு சரிந்ததும், 5 ஆண்டுகளுக்கு மேல் வீட்டுக்காவலில் வைக்கப் பட்டிருந்ததும், மீண்டும் ஆர்த்தெழுந்ததுமான செயல்பாடுகள் இருப்பினும், கல்லறைக்குச் செல்ல அவரது உடல் இன்னும் 125 கிலோ மீட்டர் பயணிக்க வேண்டுமாம். அதற்குள்தான் எத்தனையெத்தனை கெடுபிடிகள்? அத்தனையையும் மீறி இத்தனை பேரென்றால் அவரைப்பற்றி முழுமையாகத் தெரியாத நிலையில் என்ன சொல்லிவிட முடியும்?

மனிதம் போற்றுவோம்.

கடவுளின் குழந்தை யேசு துள்ளித் திரிந்த பூமி!

இஸ்ரேலில் உள்ள நாசரேத் கிறிஸ்துவ கலாச்சாரங்களைக் கொண்டதோர் ஊர். அதன் அருகேதான் இந்த நிகழ்வு .

கல்லறைப் புதைகுழிகளின் அருகில் உள்ள அந்தச் சிற்றூரில் சுமார் 50-க்கும் மேற்பட்ட வீடுகள் இருந்திருக்கக்கூடும். நான்கு ஏக்கர் பரப்பளவில் நிகழ்ந்த அகழ்வாராய்ச்சியில், எளியதோர் யூதக் குடும்பம் வாழ்ந்த பகுதியில் இருந்த வீட்டின் உட்புறத்தைத்தான் படத்தில் நாம் காண்கின்றோம்.

தேவதை கன்னி மேரியிடம் கூறிய குழந்தை யேசு நண்பர் உற்றாருடன் ஓடி விளையாடிய இடமாக இது இருந்திருக்கும் என்று அகழ்வாராய்ச்சி நிபுணர், யார்தேனா அலெஃஸன்ரே எடுத்துக் காட்டுகளுடன் கூறுகின்றார்.

மக்கள் இதனைப் பற்றிப் பேசுகின்றார்களோ இல்லையோ இங்கு எடுக்கப் பட்டுள்ள கற்கள் கதை பேசும் என்று உறுதியுடன் உரைக்கின்றார்.

2009-ஆம் ஆண்டு கிறிஸ்துமஸ்- புத்தாண்டிற்கு இன்னும் சில தினங்களே உள்ள நிலைமையில் இந்த ஆய்வு முக்கியத்துவம் பெறுகின்றது.

நன்றி-: டைம்ஸ் ஆப் இந்தியா, 22, டிசம்பர், 2009.

உள்ளுவதெல்லாம் உயர்வுள்ளல்-: உலகின் விலைமிகு இரு சக்கர வாகனம்:-

On the web: http://www.harley-davidson.com

இந்த இணையதளம் சென்று பார்த்தால் ஒரு நிறுவனம் எப்படி இயங்கவேண்டு்ம் என்பதை அறியலாம்.

V R S C ----- V- TWIN RACING STREET CUSTOM

2001-ல், V.ROD -ஆக வாழ்க்கையைத் துவக்கியது. பின்னர், ஹார்ட்லி - டேவிட்சன், "POWER CRUISER" ஆகப் பரிணமிர்த்தது.

2008-ல், 1.1 L, (1130CC, 69 CU IN) முதல் 1.31 (1250 CC, 76 CU IN) ஆக உயர்ந்தது.

வெளி நாட்டில் இதன் விலை தெரியவில்லை; தேடிய போது, குமுதம் கை கொடுத்தது.

220 கி.மீ. வேகத்தில் செல்லக் கூடிய இந்த பைக் மாடல்கள் உலகில் 1200-தான் இருக்கின்றனவாம்.

இதன் விலை இந்தியா வந்து சேர்ந்த போது 20,00000/- ரூபாய் தான்!

இரு சக்கர வாகனங்களுக்கான உதிரி பாகங்கள் தயாரிக்கும் நிறுவனத்தின் நிர்வாக இயக்குனரான சிவராம கிருஷ்ணன், சிங்கப்பூரிலிருந்து மேற்படி பைக்கை வாங்கி வந்துள்ள விபரத்தை குமுதம் 23-12-2009-இதழ் மூலமாகத் தெரிந்து கொள்ள முடிந்தது.

குமுதத்தில் சாண்டில்யன் எழுதிய மன்னன் மகள் வெளிவந்த காலத்திலிருந்து அதன் வாசகன், நான்! கரிகாலன் குதிரையில் பயணிக்கும் காட்சி இன்றும் நெஞ்சில் நிழலாடுகின்றது.

பின்னர், யவன ராணி, கடல் புறா படித்த ஞாபகம் இருக்கின்றது.

அதிலும், பாசம் என்ற எம்.ஜி.ஆர். நடித்த படத்திற்கு குமுதம் எழுதிய விமர்சனம், இன்றும் நன்றாக ம் நினைவில் இருக்கின்றது.

எம்.ஜி.ஆரையும் அவர் ஜோடியையும் ( சரோஜா தேவி என்று ஞாபகம்) இடது பக்கத்தில் போட்டு விட்டு, அதனடியில், பாசம் என்றொரு படமாம்; அதில் இது ஒரு காட்சியாம் என்று எழுதிவிட்டு, வலப்புறப் பக்கத்தை வெள்ளைப் பக்கமாகவே விட்டிருந்தது இன்றும் நன்றாக நினைவிலிருக்கின்றது.

இன்று 61-வயதிலும் என் கேள்விக்கான பதிலைக் குமுதம் தீர்த்து வைத்திருக்கின்றது என்பது குறித்துப் பெரு மகிழ்வு கொள்கின்றேன்.

குமுதத்தின் தொடர்ந்த வாசகனாக இருப்பதால்தான், பிரச்சினைகளை எதிர் கொள்ளும் தைரியம் வந்துள்ளதோ என்று கூட எண்ணத் தோன்றுகின்றது.

எதையோ விரும்பிய மனத்தின் தேடலின் தூண்டுதலால் இணைய தளத்தில் குமுதத்துடன் உலாவந்த போது அழகி என்ற தமிழ் இலவச மென் பொருள் கிடைத்தது.

த்கவல் தொழில் நுட்பத் துறையில் பீடு பெறப் பறந்து கொண்டிருந்த ஓர் இளைஞர், எதிர்பாராத குணப்படுத்த முடியாத நோய்க்கு ஆளாகி 4 ஆண்டுகள் படுத்த படுக்கையாகிச் செலவிட்ட நேரத்தில் கண்டுபிடித்ததுதான் அழகி மென் பொருள் என்றறிந்தபோது அதன்பால் ஈர்ப்பு அதிகமானது.

தமிழில் என்னாலும் கணினியில் எழுத இயலும் என்ற நிலையை எனக்கு ஏற்படுத்தித்தந்த அழகி விஸுவின் புகழ் பரப்புவதொன்றுதான் எனது வாழ்க்கையின் குறிக்கோளாக்கிச் செயலாற்றி வருகின்றேன். அவரது ஆலோசனையால் இல்லம் குழுமத்தில் என்னை இணைத்துக் கொண்டேன். நாள் தோறும் எண்ணிறந்த செய்திகளும் தகவல்களும் என் மின்வீட்டில் குவிகின்றன.

அதன்பின், ரெட்ஹில்ஸ் மாற்றுத் திறன் உடைய சகோதரர் அந்தோணி முத்து
உதவியால், என் செய்திச் சேகரிப்புகள் பரப்புரையாகி நவம்பர், 2009 துவங்கி இந்த நிமிடம்வரை 6637- வாசக நண்பர்களை உலகம் முழுவதிலுமாகத் தேடித் தந்துள்ளது.

எப்படிப்பட்ட சுவையான தொடராக இருந்தாலும் டக்கென நிறுத்திவிட்டு அடுத்ததைத் தொடர்ந்திடும் குமுதத்தின் வழிகாட்டுதலே மீண்டும் வசந்தமானதோர் இன்றைய நிலைக்குக் காரணம் என்பதாலேயே இந்தப் பகிர்வும் பதிவும்.

என்னதான் இருந்தாலும் குமுதம் பால்யூவின் நட்புப் பூவின் வாசம் இந்த நாருக்கு இல்லாமலா போய்விடும்?

கேஸ் சிலிண்டர் புராணம்!

வீட்டு உபயோகத்திற்காக வழங்கப்படும் கேஸ் சிலிண்டர்கள் சின்ன நடுத்தர பெரிய ஹோட்டல்களிலும் பயன் படுத்தப் படுகிறன; என்ற புகார்கள் அதிகமாக வந்த காரணத்தால், இந்திய ஆயில் நிறுவனத்தினர் சோதனகளை மேற்கொண்டனர்.


வட பழனி, ஆலப்பாக்கம், கே. கே. நகர், ஜீனிஸ் சாலை, சைதாப்பேட்டை, தேனாம் பேட்டை உள்ளிட்ட இடங்களில், ஹோட்டல், டீக்கடை என எல்லா இடங்களிலும் சோதனை செய்தபோதுப் 196 வீட்டு உபயோக சிலிண்டர்கள் கைப்ப்பற்றப் பட்டன.

ஒருநாள் மட்டும் போதவே போதாது. சில்ண்டர் கொண்டு வந்து போடுபவரின் சம்பளமும் பொதுமானதாக இல்லை என்பதும் ஓர் காரணம். அவர் நிலைமையில் மாற்றம் கொண்டு வர்ட வேண்டும்.

சென்னைப் புறநகர்ப் பகுதியில் ஒரு அரசு சிலிண்டர் சப்ளை செய்யும் கடையில் ஒரு நாளில் பாதி நேரம் டெலிபோன் ரிசீவரைக் கீழே எடுத்து வைத்து விடுகின்றனர். 10 தேதி பில் போட்டால் 15=20 தேதிகளில்தான் விநியோகம் செய்யப் படுகிறது. மீண்டும் பதிய 21 நாட்கள் எடுத்துக் கொள்கிறனர்.
மேலிடத்தில் புகார் செய்யப் போவதாகச் சொன்னபின்பு சொன்னவர்களுக்கு மட்டும் ஓரளவிற்குச் சரியாக வருகின்றது.

தேர் எப்பொழுது சரியாக ஓடத் துவங்கும்?