நடனமாடும் மரங்கள்- ratheeshmratheesh@gmail.com

Dancing Forest Trees

Inbox

x

Ratheesh mratheesh@gmail.com	21:13 (7 hours ago)
நன்றிக்குரியோர் :

The Dancing Forest In the Kaliningrad region in the national park Curonian Spit is a unique place called "The Dancing Forest."

Click here to Reply, Reply to all or Forward

தென்துருவத்தில் இந்திய விஞ்ஞானிகள் எட்டே நாட்களில் !

அண்டார்டிக்காவில்  இந்தியா  அமைத்துள்ள  ஆய்வு க் கூடத்தின் பெயர் மைத்ரி. எட்டே  நாட்களில்  சென்றடந்து  உலக  சாதனை  படைத்துள்ளனர்., இந்திய விஞ்ஞானிகள். பூஜ்ஜியத்திற்குக் கீழே  54 டிகிரி  செல்சியஸ்  கடும் குளிரில் கத்தியின்  கூரிய  முனைகளுக்கு ஒப்பான  ஒன்றிலிலிருந்து  இரண்டு மீட்டர்  உயரமுள்ள  கடின  பனிப்பாறைகள்  கடந்து   இந்திய விஞானிகள்  குழு  ஒன்று  பூமிப் பந்தின் தென் கோடி முனையை  அடந்துள்ள்து

மைத்ரி அண்டார்டிகாவில் இந்தியா அமைத்துள்ள  இரண்டாவது  ஆய்வுக் கூடமாகும்.  இங்கிருந்து தேசியச் அண்டார்டிக்  மற்றும் கடல் ஆய்வு மையத்தின்  தலைவரான  ரஷிக் ரவீந்திரா தலைமையில் எட்டு விஞானிகள்  அடங்கிய குழு  கடந்த 2010  ஆம் ஆண்டு  நவம்பர் 13 ஆம் தேதி  யணத்தைத் துவங்கி  அதே மாதம்  20  தேதி தென் துருவத்தை அடைந்தது.

..  .மைத்திரியிலிருந்து 2399 கிலோ மீட்டர்  தூரச்த்தில் உள்ள  தென் துருவத்தை   பனிப்பிரதேசங்களைக்  கடப்பதற்கேன்றே  சிறப்பாக வடிவமைக்கைப் பட்டுள்ள  மோட்டார் வாகனங்களைத்தான். 
அடையச் அவர்கள் பயன் பட்சுத்தியது .

NATIONAL CENTRE FOR ATLANTIC AND OCEAN  RESEARCH  -NCAOR-- அமைப்பில் பங்கு பெறவர்கள்.. பூமி வெப்பமாதல் குறித்த  ஆய்வினை  மேற்கொள்ளுவதற்காகச் பூகோள ஆராய்ச்சி யாளர்,  பனிப் பிரதேசங்கள் குறித்த ஆய்வாளர்கள். பூமியின் வடிவம், ஈர்ப்பு விசை  , காந்த மண்டலம் ஆகியவை குறித்த ஆராய்ச்சியாளர்கள்,  ச்தோஷ்ண நிலைகளைவாய்வு ச்ய்யும்நிபுணர்கள்.  மற்றும் வாகனப் பொறியாஅர்கள்  அடங்கிய குழு அண்டார்டிகாப் படணத்தில் இடம் பெற்றிருந்தது. 2012, மார்ச்   பாரதி என்னும் புதிய ஆய்வுக் கூடம் ஒன்றை இந்தியா திட்டமிட்டிருந்தது.    . 


உதவி மனோரமா 2012

சி.பா. ஆதித்தனார் அனைத்திந்திய இதழியல் கழகம், தமிழச்சி தஙகப்பாண்டியனின் நிறைவுரை!!

தமிழ்த் திணை இணைய இதழின் சார்பு அமைப்பாகச் செயல்படுகின்றது, 

சி.பா.ஆதித்தனார் அனைத்திந்திய இதழியல் கழகம்., திருச்சியில்!


தனது நான்காம் கருத்தரஙகத்திற்கு,  “இதழியல் வளர்ச்சியில் தமிழ் இதழ்கள்”

என்னும் தலைப்பினை ஆய்வுப் பொருளாக எடுத்துக் கொண்டது..


தொடக்க விழாவிற்கு, முனைவர், தி.நெடுஞ்செழியன் தலைமை வகித்தார்.

தி. மா.சரவணன் வரவேற்புரை வழங்கினார்.

வெளியிடப்பட்ட ஆய்வு நூலை, தீக்கதிர் ஆசிரியர், மதுக்கூர் இராமலிஙகம்

பெற்றுக்கொண்டு மைய உரை நிகழ்த்தினார். ஈ.வே.ரா. கல்லூரி முதல்வர் பழ.

கெளதமன் வாழ்த்துரையும், முனைவர் கா.வாசுதேவன் நன்றியுரையும்

நல்கியதும் காலையில் தொடக்க விழா நிகழ்வுகளாக அமைந்தன.

நிறைவு விழா  மாலை  2.மணிக்குத் துவங்கியது..மணிக்குத் துவங்கியது. 

மடிக்கணினி ஒன்றைக் கையில் வைத்துக்கொண்டு,  மெய் நோக்காது, பசி 

துஞ்சாது அழைத்திடும் பள்ளிகள். கல்லூரிகள், பொதுநல அமைப்புகள் 

ஆகியவற்றிற்கெல்லாம் சென்று கணினியில் தட்டச்சு செய்வது எப்படி 

என்பதை ஒலி ஒளி காட்சிப் படங்களுடன். விளக்கமாகச் சொல்லித்தந்து 

கொண்டிருக்கின்றார் , முனைவர்,  துரை மணிகண்டன் அவர்களின்

 நிகழ்ச்சி நிரலில் அது குறிப்படப் படாதது வருத்தத்தைத் தந்தது.. அங்கு

நிகழ்வுகளில் பங்கேற்ற அனைவருமே முனைவர் பட்டம் பெற்றவர்கள்,

அல்லது பேராசிரியர்கள். ஆய்வு மாணாக்கர்களும் உண்டு, இளமையும்,

முதுமையும்  இணைந்த கரங்களாய்ச்  செயலாற்றியமை நெஞ்சிற்கு நிறைவு.

தரும் ஓர் நிகழ்வு

.

மேடையில் நடுநாயகமாக அமர்ந்திருப்பவர்தான் 

கவிஞர் முனைவர் தமிழச்சி தஙகப்பாண்டியன்

கவிஞர் முனைவர் தஙகச்சி தங்கப்பாண்டியன்

அவர்க்கு இடதுபுறம் பேருறையாறி விட்டு மேடையில் அமர்ந்திருப்பவர்தான் 

திராவிட இயக்கச் சிந்தனையாளர் புலவர், முருகேசன், அவர்கள். தமிழக 

அமைச்சருள் ஒருவராக இருக்கவேண்டியவர். தற்பொழுது இந்த மேடையில் 

வீற்றிருக்கின்றார்.  ஓடையிலே ஊறுகின்ற தீஞ்சுவைத் தண்ணீர் போல் 

பருகுவதற்கு இனிமையாக ஆரவாரத் தன்மையற்ற முறையில் 1912-ல்

நடேசனார் திராவிட இயக்கத்தைத் தொடங்கியதிலிருந்து இன்றுவரை.

உள்ள திராவிட இயக்க வரலாற்றைக் கண்முன்னே கொண்டு வந்து 

நிறுத்திவிட்டு அமர்ந்திவிட்டார், நாற்காலியில்!

அதைத் தொடர்ந்து பேச வந்தவர், தமிழச்சி தஙகப் பாண்டியன். தமிழச்சி 


தங்கப்பாண்டியன் தமிழ் நாட்டைச் சேர்ந்த பெண் கவிஞர் மற்றும் சமூக

ஆர்வலர் ஆவார். இவரது இயற்பெயர் தா. சுமதி. சென்னை ராணி மேரிக்

கல்லூரியின் முன்னாள் பேராசிரியரான இவர், அருப்புக்கோட்டை தொகுதி

முன்னாள் தமிழக சட்டசபை உறுப்பினர் வி. தங்கபாண்டியனின் மகள் மற்றும்

முன்னாள் தமிழக பள்ளிக்கல்வித் துறை அமைச்சர் தங்கம் தென்னரசுவின்

சகோதரி.

• ஏஞ்சோட்டுப் பெண்
• பேச்சரவம் கேட்டிலையோ
• வனப்பேச்சி
• மஞ்சணத்தி

ஆகியவற்றின் படைப்பாளி. தமிழகத் திருக்கோவிலிலிருந்து ஏதோ ஒரு 

சிலை உயிர்ப்புடன் எழுந்து வந்து விட்டதோ என்றதோர் மலைப்பு எனக்கு.

“நகரவாசிகள் சமரசம் செய்து கொண்டு வாழ்கின்றனர். வணிக 

பொருளாதாரம், உலகமயமாக்கல் ஆகியவற்றுக்கு நடுவில் நகரவாசிகள் 

வாழ்க்கை நடத்துகின்றனர். கிராமங் களில், வன்முறை வெளிப்படையாக 

உள்ளது. ஆனால், நகரத்தில் எப்போது என்ன நடக்கும், என்பது தெரியாத 

புதிராக இருக்கிறது, என்று வனப்பேச்சி கவிதைநூல் வெளியீட்டு விழாவில் 

பேசியுள்ள தமிழச்சியின் பேச்சினைக் கேட்பதும்,  நேரில் பார்த்துப் பேசும் 

வாய்ப்புக் கிடைத்ததும் என்போன்றே பலருக்கு இதுதான் முதல் 

முறை.அவரது பேச்சினைக் கேட்பதற்காகவேப் பெரியவர்கள் பலர் வந்து 

காத்திருந்ததையும் கண்டேன். தலையில் முக்காடு போட்டுக் கொண்டு 

தஙளைத்திட்ட்டிப்பேசும் பெரியார் பேச்சைக் கேட்பதற்காகவே காத்திருக்கும்

கூட்டத்தினரைக் கோவை கிராஸ்க்ட் ரோட்டில் கண்டு ரசித்த பழைய 

அனுபவம் நினைவிற்கு வந்தது.

”எனக்கான வார்த்தகளை நீ முடிவு செய்கையில், நான் தேர்கிற மவுனம்

மிகவும் மலிமையானது “  

என்ற இவரது கோட்பாட்டைப் புரிந்து கொண்டகாரணத்தினால்தான்

 முனைவர் மு. அருணாசலத்தின் முன் முயற்சியால் ஓராண்டிற்கு முன்பே 

தேதி வாங்கப்பட்டிருந்தும்,  இவர்க்குத் தலைப்பெதுவும் கொடுக்காமல்

 “பேராளர்களுக்குச் சான்று வழங்கி நிறைவுரை “ என்று மட்டுமே  

குறிப்பிட்டிருந்தனர். அதாவது  தமிழச்சிக்கு என்று தலைப்பெதுவும் 

கொடுக்கப்படவில்லை என்பதே அவர் கொண்ட கொள்கையினின்றும் 

மாறாதவர் என்பதை அவைக்கு உணர்த்தியது.

பேராளர்களின் ஆய்வுக்கட்டுரைகளைப் படிக்கவில்லை என்றாலும், இங்கு 

வரும் வரையில் சிலவற்றைப் பார்த்தும், சிலவற்றைக் கேட்டும் ஆய்வுக் 

கட்டுரைகளின் பயணப் பாதையைப் புரிந்து கொண்டேன். இதில் என்ன பங்கு, 

அதில் என்ன பங்கு என்ற வகையான ஆய்வுப்போக்குகள் எல்லாம் 

பழங்காலத்தவை. ஆய்வுப் போக்கின் பாதை மாற வேண்டும். இன்று மக்கள் 

மத்தியில் உலாவரும் நாள், வார, மாதமிருமுறை, மாதமொருமுறை, 

காலாண்டிதழ். அரையாண்டிதழ், ஆண்டிற்கொரு முறை மட்டும் வெளியிடப் 

படும் இதழ், சினிமா, மற்றும் தொலைக்காட்சி நிகழ்ச்சிகள் என்று எல்லா 

ஊடகஙகளின் பின்னாலும் ஓர் அரசியல் ஒழிந்திருக்கின்றது. அப்படி 

மறைந்திருக்கும் அரசியலின் அடைப்படைத் தன்மையை ஆராய்ந்து 

உண்மைத் தன்மையை வெளிச்சத்திற்குக் கொண்டு வரவேண்டும்.

பழைய பஞ்சாங்கம் கூடாது காலத்திற்கேற மாற்றம் வேண்டும் என்றார்.

தன் கருத்திற்கு வலூவூட்ட பாரதியின் புதுவை வாழ்க்கையில் நடந்ததோர் 

நிகழ்வினைச் சுட்டிக்காட்டினார். தமிழும் ப்ரெஞ்சும் தெரிந்த புலமமிக்கதோர்  

அறிஞர் ஒருவர் பாரதியிடம்,  ஒள்வயாரின் ஆத்திசூடியைப் ப்ரெஞ்சுக்கு 

மொழி பெயர்த்துக் கொண்டிருக்கின்றேன் என்று பெருமையாகச் சொன்னான்.

அதைக் கேட்டார், பாரதி!  கோபமும் வந்தது. இதோ இரும் வருகின்றேன் 

என்று சொல்லிவிட்டுப் போன ஆத்திரத்துடன் திரும்பி வந்தார் 

” புதிய ஆத்திசூடியுடன்! “  ஒள்வையாரின் பாடல்களை நான் குறைத்து 

மதிப்பிடவில்லை. அது தமிழின் பெருமைக்குப் புகழ் சேர்க்கும். தமிழைப் 

பற்றிப் புகழ்ந்துரைக்கும்போது பழைய நூல்களை எல்லாம் சேர்த்துக் 

கொள்ளலாம். ஆனால், காலத்திற்கேற்றபடியான மாற்றங்களும் தமிழனின் 

வாழ்க்கையிலும் கொண்டுவரும்படி இலக்கியங்களில் ஆய்வுகளில் புதுமை 

செய்திடல் வேண்டும் என்பத வலியுறுத்தியபோது, இவர் இப்படிப் 

பேசிவிடுவார் என்பதை முன்னரே தெரிந்துவிட்ட காரணத்தால்தான் 

பெரும்பாலான கட்டுரைளை எழுதியவர்கள் வரவே இல்லை 

ஆய்வரங்கத்திற்கு!.

அயலகத் தமிழர் குறித்த ஆய்வொன்றிற்காக ஆஸ்திரேலியாவிலுள்ள 

பல்கலையி ஒன்றில் ஒரு பேராசிரியரை அணுகியபோது, அது குறித்து 

எனக்கு எதுவும் தெரியாது,  அந்தத் துறையில் ஆய்வு செய்த வல்லுநர் 

ஒருவரை உஙகளுக்கு அறிமுகப் படுத்துகின்றேன் என்று பதில் சொல்லியது 

மட்டுமன்றி அந்தப்புதியவரிடம் அழைத்தும் சென்றாறாம்.

ஆனால், இந்தியாவிலோ கொஞ்சம்  பிரபலமாக இருந்துவிட்டாலே போதும் /

/இருப்பதாகவோ தெரிந்துகொண்டுவிட்டால் போதும் கோபால் 

பற்பொடியிலிருந்து எல்லாவிதமான வியாபாரப் பொருட்களுக்கும் 

விளம்பர உற்சவ மூர்த்தி ஆக்கப்பட்டு விடுவார். என்ற போது  உண்மை எந்தக் 

கட்சியிலிருந்தாலும்  வெளிப்பட்டுப்பேசும் என்ற உண்மை தெர்ந்தது.

பேச்சுத் துவக்கத்தில் எல்லோரையும் பெய்ர் சொல்லி அழைதத்த  தமிழச்சி, 

திராவிட இயக்கச் சிந்தனையாளர் புலவர்.க. முருகேசனை மட்டும்  

மேடையில் பெயரிட்டுக் கூறாத தன்மையினாலேயே ,அவர்பால் தாம் 

கொண்ட மரியாதையை வெளிப்படுத்திய நல்ல குணம் எனக்கு மிகவும் 

பிடித்திருந்தது.

”வரைவின் மகளிர்”  என்று மகளிருக்காக ஓர் அதிகாரத்தை ஒதுக்கி வைத்த 

திருவள்ளுவர் ஆண்களைப் பற்றி ஏன் தனியாக குறிப்பிடவில்லை? என்று 

அவர் எழுப்பிய வினாவிற்கு விடை தேடும் முன்பாவே

ஸ்ரீவில்லிபுத்தூர்  ஆண்டாளையும் விட்டு வைத்திடவில்லை!

நான் தொல்காப்பியத்தப் படிக்கவில்லை என்றாலும் கூட, பெண்களுக்கான

இலக்கணத்தை மட்டுமே  தொல்காப்பியம் கூறுகின்றதென்று கூற முடியும்

என்பதை உதாரணத்துடன்  விளக்கினார்.

மணிக்கொடிக் காலம் இலக்கியவளர்ச்சியின் பொற்காலம் அல்ல என்பதை

மார்க்சியச் சிந்தனையாளர் அ.மார்க்ஸ் அவர்களின் விளக்கங்களோடு

எடுத்துரைத்தார். மணிக்கொடிக்காலத்தை மூன்று கட்டங்களாகப் பிரித்துக்

கொண்டார். ஒவ்வொரு காலத்திலும் எப்படி இருந்ததென்பதை எல்லாம்

மார்க்ஸின்  எடுத்துக்காட்ட்க்களுடன் விவரித்துவிட்டு, கடைசியில்

கவிதைகளோடு  முடங்கிப்போனது என்றும் உணரச் செய்தார்.

பண்பரசரான உ.வே.சா. விடம், ஒருவர்  “நேற்றைய உங்களது சொற்பொழிவு

நன்றாக இருந்தது “ என்று சொன்னபோது, ”உபந்நியாசம் எங்கே போயிற்று ”

என்று சீறி விழுந்தாராம்.

”நலமாக இருக்கின்றீர்களா ”என்று கேட்டபோது ”ஷேமம் எங்கே போயிற்று”

என்று புலி போல் சீறிப் பாய்ந்தாரம், உ.வே.சா.


தமிழ்ப் புலமை என்பது வேறு,  தமிழ்ப் பற்று என்பது வேறு,  தமிழ் ஆய்வு

என்பது வேறு

. 

” தமிழ்ப்பற்றும், புலமையும், ஆய்வும் தமிழைத் தமிழினத்தை அடுத்த

தளத்திற்கு முன்னேடுத்துச் செல்லவேண்டும்.

மரபின் அச்சிலேதான் புதுமையின் சக்கரம் சுழல்கின்றது “

என்று பேருரையை

தமிழச்சி தங்கப்பாண்டியன் முடித்துக் கொண்டபோது

அவையில் உள்ளோர் அனைவரும் அவரைச் சுற்றிலும் வட்டமாக

நின்றுகொண்டு பேச ஆரம்பித்தனர். அனைவரிடமும் முகம் கொடுத்துக்

கனிவாகப் பேசிய பின்னர்தான் அறையை விட்டு அகன்றார்.

தமிழ் நாட்டில் எந்தவொரு பொது நிகழ்வாக இருந்தாலும் ஒரு 

குறிப்பிட்ட பிரிவினர் ஒத்துழைப்பின்றிச் சிறப்பாக அமையாது. 

பெரிய உதாரணம்:- தென்காசி இடிந்த கோபுரம் உயிர்பெற்றெழுந்தது. 

அந்தத் திருகோபுரத்தின் அடிப்புறத்தில் உள்ள படிக்கட்டுக்கள்தான் 

அப்பகுதிவாழ் மக்கள் மாலையில் காற்று வாங்கப்போகும் "BEACH" 

திருப்பணிக்குழுத் தலவர் :-

தினத்தந்தி உரிமையாளர் சிவந்தி ஆதித்தநாடார்.

சின்ன உதாரணம்:- 

சீர்காழி நாகப்பட்டின மாவட்டம், 

A. பால்சாமி நாடார்  

கல்வி  அறக்கட்டளைத்

 தலைவர் மா.இராமர்

 நல்வாழ்த்து களுடன் வழங்கப் 

பெற்ற “BAG".

தூணாக நின்ற தமிழன்துரும்பானதுஏன்?

இந்திய மக்கள்தொகையில் ஏறத்தாழ பதினாறில் ஒரு பங்கு தமிழர்கள் வாழ்ந்தாலும் அவர்களுக்குரிய அங்கீகாரம் என்பது இந்திய அரசியலில் அளிக்கப்படவில்லை. இந்திய அரசும் சரி, அகில இந்திய அரசியல் கட்சிகளும் சரி தமிழர்களின் தலையாய பிரச்னைகளைக் குறித்துக் கொஞ்சமும் கவலைப்படுவதில்லை.

தமிழ்நாட்டின் அண்டை மாநிலங்கள் தமிழகத்திலிருந்து உணவுப்பொருள்கள், துணி, சிமெண்ட், மின்சாரம் போன்ற பலவற்றை எவ்விதமான தங்குதடையுமில்லாமல் பெற்றுக்கொள்கின்றன. இயற்கையிலேயே தண்ணீர்ப் பற்றாக்குறையான தமிழகத்துக்குத் தங்களிடம் மிகையாக உள்ள தண்ணீரைக்கூடத் தர அவர்களுக்கு மனமில்லை. பிடிவாதமாக மறுக்கின்றன.

இந்திய விடுதலைப் போரில் தமிழகம் செலுத்தியிருக்கிற பங்கு அளப்பரியதாகும். தென்னாப்பிரிக்காவில் வழக்கறிஞராகப் பணியாற்றிய மோகன்தாஸ் காந்தியின் அறப்போராட்டங்களுக்குத் துணையாக நின்று அவரை மகாத்மா காந்தியாக ஆக்கியவர்கள் தமிழர்கள். அவர் அழைப்பை ஏற்றுச் சிறை புகுந்தவர்களில் பெரும்பாலோர் தமிழர்கள். அவர்களில் ஒருத்தியான தில்லையாடி வள்ளியம்மை தனது உயிரைத் தியாகம் செய்து காந்தியடிகளின் அறப்போராட்டத்துக்கு முக்கியத்துவத்தை ஏற்படுத்தினார்.

தமிழ்நாட்டைச் சேர்ந்த ராஜாஜி, சத்தியமூர்த்தி, காமராஜ் போன்ற பல தலைவர்களும் எண்ணற்ற தொண்டர்களும் காந்தியடிகளை உளமாறப் பின்பற்றி எண்ணற்ற தியாகங்களைச் செய்தார்கள். அண்ணலின் அழைப்பையேற்று அறப்போரில் தடியடிக்கு ஆளாகி உயிர்நீத்தான் திருப்பூர் குமரன்.

நேதாஜி சுபாஷ் சந்திர போஸ் சிங்கப்பூரில் முதலாவது இந்திய சுதந்திர அரசை நிறுவி, இந்திய தேசிய ராணுவத்தை அமைத்தபோது அவருக்குத் தோள்கொடுத்துத் துணை நின்றவர்களில் பெரும்பாலோர் தமிழர்கள்.

முதலாவது சுதந்திர இந்திய அரசு அமைக்கப்பட்டபோது நிதியமைச்சர் பொறுப்பைத் தமிழரான ஆர்.கே.சண்முகம் செட்டியாரிடம் பிரதமர் நேரு ஒப்படைத்ததைத் தொடர்ந்து, முதலாவது கவர்னர் ஜெனரலாக ராஜாஜி, மத்திய அமைச்சர்களாக டி.டி.கிருஷ்ணமாச்சாரியார், ஓ.வி. அளகேசன், ஆர். வெங்கட்ராமன், சி. சுப்பிரமணியம் போன்ற பலர் பெரும் பொறுப்புகள் வகித்துச் சிறப்பாகத் தொண்டாற்றி தமிழகத்துக்குப் பெருமை ஈட்டிக்கொடுத்தார்கள். அவர்களுடன் நமக்குக் கருத்து மாறுபாடு இருக்கலாம். ஆனால், அவர்கள் ஒருபோதும் தமிழுக்கோ, தமிழினத்துக்கோ, தமிழகத்துக்கோ சிறுமை தேடித் தரவில்லை.

அகில இந்திய கட்சிகளின் தலைவர்களாகவும் பல தமிழர்கள் சிறந்து விளங்கினார்கள். காங்கிரஸ் தலைவராகக் காமராஜ், முஸ்லிம் லீக் தலைவராக "காயிதே மில்லத்' முகமது இஸ்மாயில், பார்வர்ட் பிளாக் கட்சித் தலைவராக உ. முத்துராமலிங்கத்தேவர் மற்றும் பி.கே. மூக்கையாத் தேவர் போன்ற பலர் பொறுப்பு வகித்து அந்த பதவிகளுக்குப் பெருமை தேடித் தந்தார்கள்.

இந்தியாவில் இப்படிப் பிற மாநிலத்தவர்களால் மதிக்கப்பட்ட நிலையில் வாழ்ந்த தமிழர்களின் இன்றைய நிலையை எண்ணிப்பார்த்தால் பரிதாபப்படவேண்டி உள்ளது. தமிழகத்தை வாட்டி வதைத்து வரும் பல்வேறு உயிர்நாடியான பிரச்னைகளைத் தீர்ப்பதற்கு வழிதெரியாமல் தமிழன் திகைத்துக் கிடக்கிறான். அவன் தலையில் மிளகாய் அரைக்கும் வேலையை மற்ற மாநிலங்கள் செய்கின்றன.

30 ஆண்டு காலத்துக்கு மேலாக முல்லைப் பெரியாறு அணைப் பிரச்னை தமிழகத்தின் 5 தென் மாவட்டங்களை அலைக்கழித்துக் கொண்டிருக்கிறது. உறுதியாக நிற்கும் முல்லைப் பெரியாறு அணை பலவீனமாக இருக்கிறது என கேரள அரசியல்வாதிகள் இணைந்து நின்று பொய்மைக் கூப்பாட்டைக் கிளப்பி தமது நோக்கத்தில் வெற்றி பெற்றுவிட்டார்கள்.

மத்திய நீர்வள ஆணையம் கூறியபடி அணை 12.5 கோடி ரூபாய் செலவில் நாம் அணையை மேலும் வலுப்படுத்தினோம். முழுமையாக வலுப்படுத்தியபிறகு அணையின் நீர்மட்டத்தை உயர்த்திக் கொள்ளலாம் என மத்திய நீர்வள ஆணையம் கூறியதைக் கேரளமும் ஏற்றுக்கொண்டது. ஆனால், அணையின் மராமத்து வேலைகள் முடிந்த பிறகும் இன்றுவரை நீர்மட்டத்தை உயர்த்த மறுக்கிறது.

வேறுவழியில்லாமல் உச்ச நீதிமன்றத்தில் தமிழகம் முறையிட்டது. அவர்களும் விசாரித்து இறுதியாக 2006-ம் ஆண்டில் 142 அடிக்கு நீர்மட்டத்தை உயர்த்திக்கொள்ளலாம் எனத் தீர்ப்பு அளித்தனர். ஆனால், அந்தத் தீர்ப்பையும் நம்மால் நிறைவேற்ற முடியவில்லை. கேரளத்தின் முடிவை மீறி மத்திய அரசும் எதுவும் செய்யவில்லை. அதற்குக் காரணம், மத்திய அரசில் அங்கம் வகிக்கும் கேரள அமைச்சர்களும், நாடாளுமன்ற உறுப்பினர்களும், கேரள உயர் அதிகாரிகளும் இணைந்து நின்று உச்ச நீதிமன்றத்தின் தீர்ப்பை அமலாக்கவிடாமல் சாதிப்பதில் வெற்றிபெற்று விட்டார்கள்.

தமிழகத்துக்குத் தண்ணீர் கேரளத்துக்குப் பாதுகாப்பு - அதற்கு ஒரே வழி புதிய அணை கட்டுவது என்று கேரளம் கூறுகிறது. மத்தியில் பதவி வகிக்கும் கேரள அமைச்சர்கள், கேரள முதலமைச்சர் தலைமையில் அனைத்துக் கட்சித் தலைவர்களின் குழு ஆகியோர் பிரதமரையும் மற்ற மூத்த அமைச்சர்களையும் சந்தித்து தங்கள் திட்டத்துக்கு ஆதரவு திரட்டியிருக்கிறார்கள்.

அதேவேளையில் மத்திய அமைச்சரவையில் அங்கம் வகிக்கிற தமிழக அமைச்சர்கள் நமது கடமை வாய்மூடி கிடப்பதே என்ற ரீதியில் மௌனம் சாதிக்கிறார்கள். தமிழ்நாட்டில் பொதுக்கூட்டம் ஒன்றில் பேசிய மத்திய உள்துறை அமைச்சர் ப.சிதம்பரம் முல்லைப் பெரியாறு அணைப் பிரச்னை குறித்து கேரள அரசியல்வாதிகளைக் கண்டிக்கும் வகையில் ஏதோ சொன்னார் என்பதற்காக அவர் மீது அவர்கள் பாய்ந்தார்கள். உடனே அவர் தான் கூறியவற்றையெல்லாம் திரும்பப் பெறுவதாகக் கூறிச் சரணாகதி அடைந்தார்.

இவ்வளவுக்கும் பிரதமருக்கு அடுத்த பதவியான உள்துறை அமைச்சர் பொறுப்பில் இருப்பவர் ப.சிதம்பரம். அவரையே மிரட்டிப் பணியவைக்கக் கேரள அரசியல்வாதிகளால் முடிகிறது.

மத்திய பாதுகாப்புத் துறை அமைச்சரான ஏ.கே.அந்தோணி கடற்படையைச் சேர்ந்த நீர்மூழ்கி வீரர்களை அனுப்பி பெரியாறு அணையின் வலிமையைச் சோதனை புரிய ஆணை பிறப்பித்தார். பிரச்னை உச்ச நீதிமன்ற பரிசீலனையில் இருக்கும்போது அதில் தலையிட்டு தமிழகத்துக்கும் தெரிவிக்காமல் இத்தகைய அடாவடியில் அவர் ஈடுபட்டபோது அவரைக் கண்டிக்கக்கூட மத்திய அரசில் அங்கம் வகிக்கும் ஒரு தமிழக அமைச்சர்கூட முன்வரவில்லை.

அதைப்போல காவிரிப் பிரச்னையில் ஆயிரமாயிரம் ஆண்டுகளாகக் காவிரி நதிநீரில் நமக்குள்ள உரிமையைக் கர்நாடகம் தட்டிப் பறித்தது. பேச்சுவார்த்தை என்ற பெயரில் இழுத்தடித்துக் காலம்கடத்தி, அதற்கு நடுவே புதிய அணைகளைக் கட்டித் தண்ணீரைத் தடுத்து - வேறு வழியில்லாமல் நடுவர் மன்றம் அமைக்கும்படி மத்திய அரசிடம் வேண்டிக்கொண்டோம். ஆனால், மத்திய அரசு அதைச் செய்ய முன்வரவில்லை.

உச்ச நீதிமன்றத்தில் முறையிட்டு உச்ச நீதிமன்றம் தலையிட்டு நடுவர் மன்றத்தை அமைக்கும்படி மத்திய அரசுக்கு ஆணை பிறப்பித்தது. நடுவர் மன்றம் இடைக்காலத் தீர்ப்பு ஒன்றை வழங்கி ஆண்டுதோறும் 205 டி.எம்.சி. நீரைத் தமிழகத்துக்கு அளிக்கவேண்டும் என ஆணையும் பிறப்பித்தது. நடுவர் மன்றத்தின் ஆணையை ஏற்பதற்கு கர்நாடகம் மறுத்துவிட்டது.

இடையில் நடுவர் மன்றத்தைச் செயல்படாமல் முடக்குவதற்கும் கர்நாடகம் சதி செய்தது. கர்நாடகத்தைச் சேர்ந்த தேவகௌடா மத்தியில் பிரதமர் பொறுப்பை ஏற்ற பிறகு ஏற்கெனவே அவர் முதலமைச்சராக இருந்தபோது நடுவர் மன்றத் தலைவர் மீது வழக்குத் தொடர்ந்த காரணத்தால் நடுவர் மன்றத் தலைவர் பதவி விலக நேர்ந்தது.

இதற்குக் காரணமான தேவகௌடாவை பிரதமராக்கியதில் தி.மு.க.வுக்குப் பெரும் பங்குண்டு. நடுவர் மன்றத்துக்கு மீண்டும் புதிய தலைவரை நியமிப்பதற்குக் காலம் கடத்தப்பட்டது. இறுதியாக ஒருவர் நியமிக்கப்பட்டு நடுவர் மன்றம் ஒரு இறுதித் தீர்ப்பையும் வழங்கிற்று. ஆனால், இடைக்காலத் தீர்ப்புக்கு ஏற்பட்ட கதியே இறுதித் தீர்ப்புக்கும் ஏற்பட்டது. இரண்டு தீர்ப்புகளையும் கர்நாடகம் மதிக்க மறுத்தது. அதன் மீது நடவடிக்கை எடுக்க மத்திய அரசு இன்றுவரை முன்வரவில்லை. மத்திய அரசில் அங்கம் வகிக்கும் ஒரு தமிழக அமைச்சர்கூட அதற்காகக் கவலைப்படவில்லை.

ஈழத் தமிழர் பிரச்னையிலும் இதேபோக்கு தொடர்ந்தது. 2009-ம் ஆண்டில் விமான குண்டு வீச்சுக்கும், பீரங்கித் தாக்குதலுக்கும், சிங்கள ராணுவ வெறியாட்டத்துக்கும் ஆளாகி மூன்று லட்சத்துக்கு மேற்பட்ட தமிழர்கள் தவித்தபோது அவர்களைக் காப்பாற்றத் தமிழகம் எவ்வளவோ போராடியும்கூட மத்திய அரச அலட்சியம் செய்தது. எரியும் நெருப்பில் எண்ணெய் ஊற்றியதுபோல சிங்கள இனவெறி அரசின் கொலைவெறி ராணுவத்துக்கு ஆயுதங்களை அள்ளிக் கொடுத்து இந்திய அரசு துணைநின்றது.

இதன் விளைவாக, ஒரு லட்சத்துக்கு மேற்பட்ட தமிழர்கள் பதைக்கப்பதைக்க படுகொலை செய்யப்பட்டார்கள். மூன்று லட்சத்துக்கு மேற்பட்ட தமிழர்கள் முள்வேலி முகாமுக்குள்ளே அடைபட்டுப் போதுமான உணவு, தண்ணீர், மருந்து இல்லாமல் பெரும் துன்பத்துக்கு ஆளானார்கள். இந்திய அரசைத் தடுக்க வேண்டிய தமிழக தி.மு.க. அரசு இரட்டை வேடம் பூண்டது. அப்போது மன்மோகன் சிங்கின் அரசு தி.மு.க.வின் 15 நாடாளுமன்ற உறுப்பினர்களின் தயவில்தான் பதவியில் இருந்தது என்பதுதான் அதைவிடக் கொடுமை.

இலங்கையில் உடனடியாகப் போர்நிறுத்தம் செய்யப்படாவிடில் எங்கள் ஆதரவைத் திரும்பப் பெற்றுக்கொள்வோம் என்று சொல்கிற துணிவு தி.மு.க.வுக்கு வரவில்லை, போகட்டும். குறைந்தபட்சம் இந்திய அரசின் நடவடிக்கைகளுக்கு எதிர்ப்புத் தெரிவித்து மத்திய தி.மு.க. அமைச்சர்கள் பதவி விலகியிருக்க வேண்டும். அவ்வாறு செய்யக்கூட அவர்கள் துணியவில்லை. செய்ய வேண்டியதைச் செய்யாமல் சென்னைக் கடற்கரையில் சாகும்வரை உண்ணாவிரதம் என 3 மணி நேர நாடகம் ஒன்றை கருணாநிதி அரங்கேற்றினார்.

மன்னிக்க முடியாத வரலாற்றுப் பெருந்தவறை ஈழப் பிரச்னையில் தி.மு.க. செய்தது என்று சரித்திரம் அந்தக் கட்சியின் துரோகத்தைப் பதிவு செய்யும்.

ஈழத் தமிழர்களை மட்டுமா, தமிழக மீனவர்களை ஒரேயடியாகக் கைகழுவிவிட்டது மத்திய அரசு. 30 ஆண்டுகளுக்கு மேலாகத் தமிழக மீனவர்களைச் சிங்களக் கடற்படை வேட்டையாடுகிறது. விரட்டி விரட்டிச் சுடுகிறது. இந்தியக் கடற்படையோ வேடிக்கை பார்க்கிறது. இதுவரை 500-க்கு மேற்பட்ட மீனவர்கள் படுகொலை செய்யப்பட்டிருக்கிறார்கள். ஆயிரக்கணக்கானவர்கள் அங்கஹீனமாகி இருக்கிறார்கள். பல கோடி ரூபாய் பெறுமான மீனவர்களின் படகுகள், வலைகள் சேதமாக்கப்பட்டு இருக்கின்றன. இத்தனைக்கும் மௌன சாட்சியாக மத்திய அரசு விளங்குகிறது.

உலகில் எந்த நாட்டிலும் கடலில் எல்லை தாண்டினார்கள் என்ற குற்றச்சாட்டின்பேரில் சுட்டுத்தள்ளுவதில்லை. உலகத்திலேயே அவ்வாறு செய்கிற ஒரே நாடு இலங்கைதான். தன்னுடைய குடிமக்கள் கொல்லப்படுவதை வேடிக்கை பார்க்கும் ஒரே நாடும் இந்தியாதான்.

நமது மீனவர்களைப் பாதுகாக்கும் பொறுப்பும் கடமையும் மத்திய அரசுக்கு உண்டு. தமிழ்நாட்டு மீனவர்களை இந்தியக் குடிமக்களாகவே அரசு கருதவில்லை என்று மத்திய அரசில் அங்கம் வகிக்கும் ஒரு தமிழக அமைச்சர்கூட எதிர்ப்புத் தெரிவிக்கவில்லை.

தமிழகத்தின் பல கனவுப் பெருந்திட்டங்கள் நீண்டகாலமாகவே கிடப்பில் கிடக்கின்றன. மேற்கு நதிநீரைக் கிழக்கே தமிழகத்துக்குத் திருப்புதல், கங்கை-காவிரி இணைப்புத் திட்டம், சேதுக்கால்வாய் திட்டம் போன்ற நிறைவேறாத திட்டங்கள் பல உண்டு. ஆனால், முன்னவை இரண்டும் பரிசீலனைக்கே எடுத்துக்கொள்ளப்படாத நிலையில் சேதுக்கால்வாய்த் திட்டம் எடுத்துக்கொள்ளப்பட்டு, கோலாகலமான தொடக்க விழா மதுரையில் நடத்தப்பட்டது.

சோனியா காந்தி, மன்மோகன் சிங், கருணாநிதி போன்றவர்கள் பங்கெடுத்துக் கொண்டனர். வேகமாக வேலைகளும் தொடங்கப்பட்டு 3,000 கோடி ரூபாய்க்கு மேல் கடலில் கொட்டப்பட்டது. ஆனால், இராமர் பாலம் என்ற பிரச்னையை முன்வைத்து இத்திட்டத்துக்குச் சவக்குழி தோண்டப்பட்டது. பல்லாண்டு காலமாக இந்தத் திட்டம் செயலற்றுக் கிடக்கிறது. நூறாண்டு காலத்துக்கு மேலான தமிழர்களின் கனவுத் திட்டமாகும் இது. இத்திட்டத்தின் எதிர்காலம் என்ன என்பது தெரியாமல் தமிழகம் இருளில் வைக்கப்பட்டுள்ளது. உச்ச நீதிமன்றம் விதித்த தடையாணையை விலக்கி இத்திட்டத்தை தொடர்வதற்கான நடவடிக்கை எதனையும் மத்திய அரசு மேற்கொள்ளவில்லை. மத்திய அரசில் அங்கம் வகிக்கும் தமிழக அமைச்சர்களும் அதைப்பற்றிக் கவலைப்படவில்லை.

பிற தென்மாநிலங்கள் தங்களுக்குத் தேவையில்லை என்று ஒதுக்கித் தள்ளிய அணு மின் திட்டத்தைத் தமிழகத்தின் தலையில் கட்டியது மத்திய அரசு. கூடங்குளம் அணுமின் நிலையத்தில் உற்பத்தியாகும் மின்சாரம் முழுக்கத் தமிழகத்துக்குக் கிடைத்தாலும் பரவாயில்லை. ஆனால், பிற தென்மாநிலங்களுக்கும் அதில் பங்களித்துவிட்டு எஞ்சியதுதான் தமிழகத்துக்குக் கிடைக்கும். ஆனால், அணு உலை வெடிக்குமானால் அதனால் வரும் அபாயம் முழுக்க முழுக்க தமிழகத்துக்கு மட்டுமே. இதுதான் மத்திய அரசு தமிழனுக்கு வழங்கியிருக்கும் நீதியாகும்.

இந்திய அரசியலில் தமிழகம் பகடைக்காய் ஆக்கப்பட்டுவிட்டது. ஒரு காலத்தில் மத்திய அரசில் தமிழகத்துக்கு இருந்த செல்வாக்கின் விளைவாக பெரும் கனரகத் திட்டங்கள் தமிழகத்தில் தொடங்கப்பட்டு தமிழகம் தொழில் வளத்தில் இந்தியாவில் மூன்றாவது இடத்துக்கு முன்னேறியது. ஆனால், இன்று தமிழகம் ஒவ்வொரு துறையிலும் பின்னோக்கிச் செல்கிறது.

இதுவரை இந்திய வரலாறு கண்டறியாத வகையில் அலைக்கற்றை ஊழல் போன்ற மாபெரும் ஊழலைச் செய்து ஒட்டுமொத்தத் தமிழகத்தைத் தலைகுனிய வைத்து திகார் சிறையாளர்களாக மாறிய சாதனைக்குரியவர்கள் தமிழர்கள் என்ற பெருமை மட்டுமே இப்போது தில்லியில் எஞ்சி நிற்கிறது.

இந்திய அரசியலை ஒரு காலகட்டத்தில் தூணாகத் தாங்கி நின்ற தமிழன் இப்போது சிறு துரும்பாகக் கருதப்பட்டு அலட்சியப்படுத்தப்படுகிறான். காரணம், தங்களது பதவி சுகத்துக்காக மத்திய அமைச்சரவையில் அங்கம் வகிக்கும் ஒரு தமிழக அமைச்சர்கூடத் தமிழகத்தின் நலனுக்காகக் குரலெழுப்பத் தயாராக இல்லை. மேற்குவங்க முதல்வர் மம்தா பானர்ஜிக்கு இருக்கும் வீரம், வேட்டி கட்டிய தமிழக அமைச்சர்களில் ஒருவருக்குக்கூட இல்லாததுதான் என்பதை நாம் சொல்ல வேண்டாம், இந்தியாவே கூறும். தூணாய் நின்ற தமிழன் துரும்பானதன் காரணம் இதுதான் என்று சரித்திரம் இவர்களை இகழும்!

உதவி: தினமணி.

ஜெயலலிதா பற்றி அவதூறு நக்கீரன் கோபால் மீது 6 பிரிவுகளில் வழக்கு

அது இருந்தா இது இல்லை! இது இருந்தா அது இல்லை! அதுவும் இதுவும் சேர்ந்திருந்தால் அவனுக்கு இங்கே இடமில்ல.- நல்ல தீர்ப்பு சினிமா

`

சென்னை: முதல்வர் ஜெயலலிதா பற்றி அவதூறு செய்தி வெளியிட்டதாகக் கூறி வார இதழின் ஆசிரியர் நக்கீரன் கோபால் மீது 6 பிரிவுகளில் வழக்குப் பதிவு செய்யப்பட்டுள்ளது. அதிமுகவை சேர்ந்த அன்பு என்பவர் ஜாம்பஜார் போலீஸ் நிலையத்தில் ஒரு புகார் அளித்தார். அதில், முதல்வர் ஜெயலலிதா பற்றி அவதூறு செய்தி வெளியிட்ட வார இதழின் மீதும், நக்கீரன் கோபால் மீதும் வழக்குப்பதிவு செய்து நடவடிக்கை எடுக்க வேண்டும் என்று கூறியிருந்தார்.
இதை தொடர்ந்து நக்கீரன் கோபால் மீது 506 (2) (கொலை மிரட்டல்), 505 (மன உளைச்சலை ஏற்படுத்தி சட்டம் ஒழுங்கு பிரச்னையை ஏற்படுத்துதல்), 504 (உயர் பதவியில் இருப்பவர்களுக்கு களங்கம் ஏற்படுத்துவது), 323 (கையால் தாக்குதல்), 148 (ஆயுதம் வைத்திருந்தல்), 147 (சட்ட விரோதமாக கூடுதல்) ஆகிய 6 சட்டப்பிரிவுகளின் கீழ் வழக்குப்பதிவு செய்யப்பட்டுள்ளது.
இதற்கிடையில் நக்கீரன்அலுவலகத்தில் நேற்று மாலை போலீசார் சோதனை நடத்தினர். கோபால், காமராஜ் எங்கே இருக்கிறார்கள் என்று அங்கிருந்தவர்களிடம் போலீசார் விசாரித்தனர்.

அரசு டாக்டர்கள் திடீர் வேலை நிறுத்தம் நோயாளிகள் பரிதவிப்பு பதிவு செய்த நாள் : 1/5/2012 1:12:22 AM

சென்னை : தூத்துக்குடியில் அரசு பெண் டாக்டர் கொலை செய்யப்பட்டதற்கு கண்டனம் தெரிவித்து, அரசு டாக்டர்கள் 15 ஆயிரம் பேர் தமிழகம் முழுவதும் நேற்று வேலை நிறுத்தத்தில் ஈடுபட்டனர். இதனால் 8 லட்சம் நோயாளிகள் கடும் பாதிப்படைந்தனர். சுமார் 1,500 ஆபரேஷன்கள் நிறுத்தப்பட்டது. தூத்துக்குடி இஎஸ்ஐ தலைமை டாக்டர் சேதுலட்சுமி. கிளினிக்கும் நடத்தி வந்தார். கடந்த திங்கள் இரவு கிளினிக்கில் இருந்த சேதுலட்சுமியை மகேஷ் (28) என்ற வாலிபர் சரமாரியாக வெட்டி கொலை செய்தார். சேதுலட்சுமியின் கிளினிக்கில் கர்ப்பிணி நித்யா (24) சிகிச்சை பெற்று வந்தார். பின்னர் வேறு மருத்துவமனையில் சேர்க்கப்பட்ட நித்யா சிகிச்சை பலனின்றி இறந்தார். இதற்கு சேதுலட்சுமிதான் காரணம் என கருதிய மகேஷ், அவரை வெட்டிக் கொன்றார். இச் சம்பவம் பெரும் பரபரப்பை ஏற்படுத்தியது.

இந்நிலையில், டாக்டர் சேதுலட்சுமி கொலை செய்யப்பட்டதற்கு கண்டனம் தெரிவித்தும், அரசு டாக்டர்களுக்கு பாதுகாப்பு வழங்கக்கோரியும் தமிழகம் முழுவதும் அரசு மருத்துவமனை, மாவட்ட மருத்துவமனை, ஆரம்ப சுகாதார நிலைய மருத்துவமனை மற்று இஎஸ்ஐ டாக்டர்கள் நேற்று திடீர் வேலை நிறுத்த போராட்டத்தில் ஈடுபட்டனர். நேற்று காலை வழக்கம் போல் காலை 7 மணிக்கு மருத்துவமனைக்கு டாக்டர்கள் வந்தனர். காலையிலேயே அரசு மருத்துவமனைகளில் சிகிச்சைக்காக காத்து நின்ற
புறநோயாளிகளுக்கு சிகிச்சை அளிக்காமல், டாக்டர்கள் மருத்துவமனை வளாகத்தில் திரண்டனர். கறுப்பு பேட்ஜ் அணிந்து உள்ளிருப்பு போராட்டம் நடத்தினர்.

சென்னையில், ராஜீவ் காந்தி அரசு பொது மருத்துவமனை வளாகத்தில் டாக்டர்கள், உதவி டாக்டர்கள், முதுநிலை டாக்டர்கள் 500க்கும் அதிகமானோர் ஆர்ப்பாட்டம் நடத்தினர். இதற்கு தமிழ்நாடு அரசு டாக்டர்கள் சங்க மாநில செயலாளர் பி.பாலகிருஷ் ணன், சென்னை மாவட்ட செயலாளர் நெடுஞ்செழியன் ஆகியோர் தலைமை தாங்கினர்.
சென்னையில் உள்ள ஸ்டான்லி, கீழ்ப்பாக்கம், ராயப்பேட்டை அரசு மருத்துவமனை மற்றும் இஎஸ்ஐ மருத்துவமனை டாக்டர்களும் புற நோயாளிகளுக்கு சிகிச்சை அளிக்காமல் மருத்துவமனை வளாகத்தில் கூடி ஆர்ப்பாட்டம் செய்தனர்.

எழும்பூரில் உள்ள அரசு குழந்தைகள் நல மருத்துவமனையில் காலை 7 மணி முதல் 10 மணி வரை டாக்டர்கள் உள்ளிருப்பு போராட்டம் நடத்தினர். இதுபோல் கோவை, மதுரை, திருச்சி, நெல்லை, தூத்துக்குடி, சேலம், காஞ்சிபுரம், மதுராந்தகம், செங்கல்பட்டு, திருவள்ளூர், ஊத்துக்கோட்டை, திருத்தணி உள்ளிட்ட அனைத்து அரசு மருத்துவமனைகளிலும் டாக்டர்கள் போராட்டத்தில் ஈடுபட்டனர். இதனால் குழந்தைகள், முதியோர், பெண்கள் உள்ளிட்ட நோயாளிகள் உடனடி சிகிச்சை கிடைக்காமல் அவதிப்பட்டனர்.

தமிழகம் முழுவதும் சுமார் 8 லட்சம் நோயாளிகள் சிகிச்சை பெற முடியாமல் பரிதவித்தனர். அரசு மருத்துவமனைகளில் நேற்று நடைபெற வேண்டிய சுமார் 1,500 ஆபரேஷன் நடைபெறாமல் தள்ளி வைக்கப்பட்டது. அதே நேரம் அவசர ஆபரேஷன் மற்றும் அவசர சிகிச்சை பிரிவில் மட்டும் நோயாளிகளுக்கு டாக்டர்கள் சிகிச்சை அளித்தனர்.
தமிழகம் முழுவதும் 15 ஆயிரத்துக்கும் அதிகமான டாக்டர்கள் நேற்று நடந்த போராட்டத்தில் பங்கேற்றனர். இதனால் நோயாளிகள் ஆயிரக்கணக்கில் பாதிக்கப்பட்டனர். நேற்று சிகிச்சைக்காக வந்த நோயாளிகளுக்கு சிகிச்சை அளிக்க டாக்டர்கள் மறுத்ததால், நோயாளிகளின் உறவினர்கள் சிலர் வாக்குவாதத்தில் ஈடுபட்டனர். அவர்களை அங்கு பாதுகாப்புக்கு நின்ற போலீசார் திருப்பி அனுப்பி வைத்தனர்.

டீன் பேச்சுவார்த்தை தோல்வி

சென்னையில் அரசு டாக்டர்கள் திடீர் போராட்டத்தால் நோயாளிகளுக்கு சிகிச்சை அளிக்கப்படுவது பாதிக்கப்பட்டது. இதையடுத்து சென்னை மருத்துவக் கல்லூரி டீன் கனகசபை போராட்டத்தில் ஈடுபட்ட டாக்டர்களுடன் பேச்சுவார்த்தை நடத்தினார். டாக்டர் தொழில் புனிதமானது. பலரது உயிரை காப்பாற்றும் நாமே போராட்டத்தில் ஈடுபடுவது தவறு. இதை பயன்படுத்தி சில சமூக விரோதிகள் உள்ளே புகுந்து பிரச்னை ஏற்படுத்த நேரிடும். தமிழக அரசும், சுகாதார துறை அமைச்சரும் பணியில் இருக்கும் டாக்டர்களுக்கு பாதுகாப்பு அளிப்போம் என்று உறுதி அளித்துள்ளனர். அதனால் போராட்டத்தை கைவிட்டு பணிக்கு திரும்ப வேண்டும்ÕÕ என்று கேட்டுக் கொண்டார். எனினும் டாக்டர்கள் அவரது கோரிக்கையை நிராகரித்து போராட்டத்தில் ஈடுபட்டனர்.

தனியார் டாக்டர்கள் இன்று வேலைநிறுத்தம்

இந்திய மருத்துவர்கள் சங்க மாநில நிர்வாகிகள் கோவையில் நேற்று கூறியதாவது: தூத்துக்குடி இஎஸ்ஐ மருத்துவமனை தலைமை டாக்டர் சேதுலட்சுமிக்கு கொலை மிரட்டல் விடுக்கப்பட்டுள்ளன. இதுகுறித்து அவர் போலீசில் புகார் கொடுத்திருந்தும் உரிய தடுப்பு நடவடிக்கையில் போலீசார் ஈடுபடவில்லை. இதை கண்டித்து தமிழகம் முழுவதும் இந்திய மருத்துவர் சங்கத்தில் உறுப்பினர்களாக உள்ள 5 ஆயிரம் தனியார் மருத்துவமனைகள் போராட்டத்தில் ஈடுபடுகிறோம். கோவையில் கார்பரேட் மருத்துவமனைகள் உள்பட 200 மருத்துவமனைகள் வேலைநிறுத்த போராட்டத்தில் பங்கு பெறுகிறார்கள். இன்று (5ம் தேதி) காலை 6 மணி முதல் மறுநாள்(6ம் தேதி) காலை 6 மணி வரை சிகிச்சை நடைபெறாது. மருத்துவமனைகளை பாதுகாக்கப்பட்ட பகுதி என அரசு அறிவிக்க வேண்டும்.

Ôநோட்டீஸ் போர்டு வைத்திருந்தால் ஏமாந்திருக்க மாட்டோம்Õ

நாகர்கோவில் : நாகர்கோவில் அரசு மருத்துவமனைக்கு சிகிச்சை பெற நேற்று காலை வழக்கம் போல் மாவட்டத்தின் பல பகுதிகளில் இருந்து நோயாளிகளும் அவர்களுக்கு உதவியாக உறவினர்களும் வந்தனர். ஆனால், மருத்துவமனையில் டாக்டர்கள் திடீர் வேலைநிறுத்தத்தில் ஈடுபட்டதால் சிகிச்சை பெற முடியாமல் நோயாளிகள் கடும் அவதிக்கு உள்ளாகினர்.

மருத்துவமனை வளாகத்தில் ஆங்காங்கே நோயாளிகளும் அவர்களுடன் வந்திருந்தவர்களும் நீண்ட நேரம் காத்திருந்தனர். ஆனால், டாக்டர்கள், செவிலியர்கள், மருத்துவமனை ஊழியர்கள் யாரும் பணியாற்றாததால், ஏற்கனவே நோயால் அவதிப்பட்டவர்கள் சிகிச்சை பெற முடியாமல் நொந்து போய் உட்கார்ந்திருந்தனர்.
எதற்காக டாக்டர்கள் ஸ்டிரைக் செய்கிறார்கள். எப்போது இந்த ஸ்டிரைக் முடியும் என்று யாரிடமும் கேட்க முடியாமல் தடுமாறினர். இது குறித்து சில பெண்கள் மருத்துவமனை ஊழியர்களிடம் தங்களது உள்ளக் குமுறல்களை வெளிப்படுத்தினர்.

டாக்டர்கள் ஸ்டிரைக் என்றால், அது பற்றிய அறிவிப்பு போர்டு வைத்தால் அதைப் பார்த்து நாங்கள் வேறு மருத்துவமனைக்கு சென்று சிகிச்சை பெறுவோம். அல்லது வீட்டுக்கு போய்விட்டு நாளை வந்து சிகிச்சை பெறுவோம். எந்த அறிவிப்பு போர்டும் வைக்கவில்லை. எத்தனை மணி நேரம் இப்படியே காத்துக்கொண்டு இருப்பது. யாரும் பொதுமக்களின் துயரங்களை தீர்ப்பதற்கு முன்வராதது வேதனை அளிக்கிறது என்று கண்ணீருடன் கூறினர்.

இந்த காட்சி பார்ப்பவர்களின் மனதை உருக்குவதாக இருந்தது. ஆனால், என்ன செய்வது என்று புரியாமல் ஒருவருக்கு ஒருவர் ஆறுதல் சொல்லிக் கொண்டதை கேட்க முடிந்தது. சிலர் அருகில் உள்ள மருந்து கடைகளில் மருத்து வாங்கிக் கொண்டு சென்றனர். வீட்டிலிருந்து மருத்துவமனைக்கு வந்துவிட்டோம். எப்படியும் டாக்டரை பார்த்துவிட்டு மருந்து சீட்டு எழுதிக் கொண்டு போய்விடுவோம் என்ற எதிர்பார்ப்புடன் காத்திருந்தனர். இந்த நிலை நீண்ட நேரம் நீடித்தது.

ஒரு டாக்டர் கொலைக்காக 1000 நோயாளிகள் சாவதா?

சென்னை மற்றும் புறநகர் பகுதியில் உள்ள அரசு மருத்துவமனைகளில் ஒரு நோயாளிக்கு மேல் சிகிச்சை தேவைப்பட்டால் உடனடியாக ராஜீவ் காந்தி பொது மருத்துவமனைக்குத்தான் அனுப்பி வைப்பது வழக்கம். அதேபோன்று நேற்றும் அரசு மகப்பேறு மருத்துவமனையில் இரண்டு பெண்களுக்கு குழந்தை பிறந்தபோது அதிக ரத்தப்போக்கு ஏற்பட்டதால் மேல் சிகிச்சைக்காக ராஜீவ் காந்தி மருத்துவமனைக்கு அனுப்பி வைக்கப்பட்டனர். ஆனால் அரசு டாக்டர்கள் போராட்டத்தில் ஈடுபட்டதால் ஆபத்தான நிலையில் இருந்த பெண்களுக்கு உடனடியாக சிகிச்சை அளிக்க டாக்டர்கள் இல்லை.

நீண்ட நேரம் அந்த பெண்கள் ஆம்புலன்ஸ் வேனில் படுக்க வைக்கப்பட்டனர். இதுகுறித்து அந்த பெண்ணின் கணவர் சாலமோன் கூறும்போது, “தூத்துக்குடியில் ஒரு பெண் டாக்டரை ஒருவர் கொலை செய்து விட்டதாக கூறுகிறார்கள். அவரது சாவுக்கு நாங்களும் அஞ்சலி செலுத்துகிறோம். ஆனால் அதற்காக எங்களை போன்ற ஏழை தொழிலாளர்களின் குழந்தைகளுக்கு சிகிச்சை கிடைக்காமல் சாக வேண்டும் என்று டாக்டர்கள் கூறுகிறார்களா? போராடுவதற்கு எவ்வளவோ வழிகள் உள்ளது. அதற்காக ஆயிரக்கணக்கான நோயாளிகளுக்கு சிகிச்சை அளிக்க மாட்டோம் என்று கூறி போராடுவது நியாயம் இல்லை“ என்றார்.

அமைச்சர் விஜய் பேட்டி அரசு டாக்டர்கள் ஸ்டிரைக் முதல்வர் நடவடிக்கை எடுப்பார்

கடலூர் : தமிழகத்தில் டாக்டர்கள் ஸ்டிரைக்கில் ஈடுபட்டுள்ளது தொடர்பாக முதல்வர் ஜெயலலிதா நடவடிக்கை எடுப்பார் என அமைச்சர் விஜய் கூறினார்.
தானே புயலால் தாக்கப்பட்ட பகுதிகளை பார்வையிட நேற்று முதல்வர் ஜெயலலிதா கடலூர் வந்தார். இதற்காக அமைச்சர்கள் ஓ.பன்னீர்செல்வம், செங்கோட்டையன், நத்தம் விசுவநாதன், செல்லூர் ராஜூ, விஜய் ஆகியோர் கடலூர் வந்தனர்.

திடீரென சுகாதாரத் துறை அமைச்சர் டாக்டர் விஜய் கடலூர் அரசு தலைமை மருத்துவமனைக்கு சென்றார். அங்கு மருத்துவமனையை பார்த்து விட்டு சுகாதார பணிகள் இணை இயக்குனர் மனோகரன் உள்பட அதிகாரிகளுடன் ஆலோசனை நடத்தினார். பின்னர் அவர் கூறுகையில், “தமிழகம் முழுவதும் டாக்டர்கள் ஸ்டிரைக்கில் ஈடுபட்டனர்.
ஸ்டிரைக் நீடிப்பது குறித்து முதல்வரின் கவனத்துக்கு கொண்டு செல்லப்பட்டது. பிரச்னைக்கு உடனடியாக முதல்வர் ஜெயலலிதா நடவடிக்கை எடுப்பார். கடலூர் மாவட்டத்தில் 45 இடங்களில் மருத்துவ முகாம் நடக்கிறது. மருத்துவம் சார்ந்த சேதாரங்கள் அதிகளவில் இல்லை.’’ என்றார்.

‘அரசிடம் சொல்ல தேவையில்லை’

தமிழ்நாடு அரசு டாக்டர்கள் சங்கத்தின் மாநில தலைவர் கே.செந்தில் கூறியதாவது: சம்பள உயர்வு, பதவி உயர்வு உள்ளிட்ட துறை தொடர்பான பல்வேறு கோரிக்கைகளை வலியுறுத்தி போராட்டம் நடத்துவோம். இதுபோன்ற திட்டமிட்டு நடத்தப்படும் வேலை நிறுத்தப்போராட்டம் குறித்து 15 நாட்களுக்கு முன்னதாக அரசுக்கு நோட்டீஸ் கொடுப்பது வழக்கமான ஒன்று.

ஆனால், தூத்துக்குடி பெண் டாக்டர் கொலை சம்பவம், டாக்டர்கள் அனைவரையும் பாதித்துள்ளது. இது ஒரு உணர்வு பூர்வமான விஷயமாகும். இதற்கு அரசிடம் சொல்லிவிட்டு தான் போராட வேண்டும் என்பதில்லை. ஆனாலும், எங்கள் சங்கத்தின் செயற்குழு கூட்டம் முடிந்த பிறகு துறை அமைச்சர், செயலாளர், இயக்குனர் போன்றவர்களுக்கு முறைப்படி நோட்டீஸ் அனுப்பிவிட்டு தான், வேலை நிறுத்தப்போராட்டத்தில் ஈடுபட்டோம்.

8 லட்சம் நோயாளிகள் பரிதவிப்பு

டாக்டர் சேதுலட்சுமி கொலை செய்யப்பட்டதற்கு கண்டனம் தெரிவித்து அரசு டாக்டர்கள் நேற்று வேலைநிறுத்த போராட்டத்தில் ஈடுபட்டனர். தமிழகம் முழுவதும் உள்ள மருத்துவ கல்லூரி மருத்துவமனை, மாவட்ட மருத்துவமனை, ஆரம்ப சுகாதார நிலையம், இஎஸ்ஐ என 2 ஆயிரத்துக்கும் மேற்பட்ட அரசு மருத்துவமனைகள் உள்ளன. இதில் பணியாற்றும் 14 டாக்டர்கள் வேலை நிறுத்த போராட்டத்தில் ஈடுபட்டனர். இவர்களுடன் பயிற்சி டாக்டர்கள் 3 ஆயிரம் பேர், பட்ட மேற்படிப்பு டாக்டர்கள் 4,500 பேர், மருத்துவ மாணவர்கள் 10 ஆயிரம் பேர் போராட்டத்தில் கலந்து கொண்டனர்.

தமிழகம் முழுவதும் நடத்த டாக்டர்கள் வேலை நிறுத்த போராட்டத்தால் சுமார் 8 லட்சம் புறநோயாளிகளுக்கு சிகிச்சை அளிக்கப்படவில்லை. 1,500 அறுவைச் சிகிச்சைகள் நடைபெறவில்லை. சென்னையில் உள்ள ராஜிவ்காந்தி அரசு பொது மருத்துவமனை, ராயப்பேட்டை அரசு மருத்துவமனை, கீழ்ப்பாக்கம் அரசு மருத்துவமனை, கஸ்தூரிபா காந்தி தாய்&சேய் மகப்பேறு மருத்துவமனை, ஸ்டான்லி அரசு மருத்துவமனையில் நடக்க இருந்த 500 அறுவைச் சிகிச்சைகள் ஒத்திவைக்கப்பட்டது.

மனித சங்கிலி கண்டன பேரணி

அரசு மருத்துவமனை டாக்டர்கள் போராட்டம் குறித்து தமிழ்நாடு அரசு டாக்டர்கள் சங்கத்தின் மாநில தலைவர் கே.செந்தில் கூறியதாவது: தூத்துக்குடியில் பெண் டாக்டர் கொலை செய்யப்பட்டதற்கு கண்டனத்தையும், எதிர்ப்பையும் தெரிவிக்கவே டாக்டர்கள் வேலை நிறுத்த போராட்டத்தில் ஈடுபட்டனர். விரைவு நீதிமன்றம் மூலம் கொலையாளிக்கு உரிய தண்டனை வழங்க வேண்டும். அவருக்கு அதிகபட்ச தண்டனையான தூக்கு தண்டனை விதிக்க வேண்டும். அவரது குடும்பத்துக்கு ரூ.10 லட்சம் அரசு உதவித்தொகை வழங்க வேண்டும். மருத்துவமனைகளுக்கு 24 மணி நேரமும் போலீஸ் பாதுகாப்பு அளித்து,

மருத்துவமனை உள்ள பகுதிகளை பாதுகாக்கப்பட பகுதியாக அரசு அறிவிக்க வேண்டும். டாக்டர்களின் சேவை குறித்து, பொதுமக்களிடம் விழிப்புணர்வை ஏற்படுத்த வேண்டும். அரசு மருத்துவமனை பணிகள் இன்று வழக்கம் போல் செயல்படும். புறநோயாளிகள் பிரிவில் வருபவர்களுக்கு சிகிச்சை அளிக்கப்படும். ஒத்திவைக்கப்பட்ட அறுவைச் சிகிச்சைகளும் நடைபெறும். சென்னை மருத்துவக் கல்லூரி மருத்துவமனையில் இருந்து பாரிமுனை வரை இன்று பகல் 2 மணிக்கு அரசு மற்றும் தனியார் டாக்டர்கள், பயிற்சி டாக்டர்கள், மருத்துவ மாணவர்கள் மனிதசங்கிலி போராட்டத்தில் ஈடுபடுகின்றனர். 20 மாவட்டங்களில் ஊர்வலமாக சென்று கலெக்டரிடம் மனு கொடுக்க உள்ளனர். டாக்டர் கொலையை கண்டித்து மதுரையில் இன்று நடக்கும் கண்டன பேரணியில் அனைத்து டாக்டர்களும் கலந்து கொள்கின்றனர்.

1

0

Email

1