Monday, November 5, 2012

”வாவ்.....நியூஸ்” - தேனி மாரியப்பன், விஜயா பதிப்பகம், கோவை 641 001

வெள்ளை மாளிகைக்கு வயது 2012.
01. அமெரிக்க ஜனாதிபதியின் வெல்ளை மாளிகை மூன்று அடுக்குகளைக் கொண்டது. இதில் மொத்தம் 100 அறைகள் உள்ளன. ஐரிஷ் நாட்டுக் கட்டிட நிபுணரால் வடிவமைக்கப்பட்டு 1800 ஆம் ஆண்டு கட்டி முடிக்கப்பட்டது.

பணி ஓய்வே இல்லாதவர்கள்

02. அமெரிக்காவில் உச்சநீதிமன்ற நீதிபதிகளுக்கு ஓய்வு வயது வரம்பு என்பதே கிடையாது. அவர்களாகவே விரும்பிப் பதவியைவிட்டுப் போனால்தான் உண்டு.

தினத்தந்தியில் ஒரு சுவையான செய்தி
03. ஆதித்தனார் காலத்தில் பணியில் அமர்த்தப்பட்டவர்கள், அவர்கள் விரும்பும் போது ஓய்வெடுத்துக் கொள்ளலாம். மேலும் பெண்களைப் பணிக்கு எடுப்பதில்லை. சென்னை தலைமை அலுவலகத்தில் ஒரே ஒரு டெலிபோன் ஆப்பரேட்டர் மட்டும் விதிவிலக்கு.

உலகிலேயே அதிகக் கண்தானம் செய்த கண் வங்கி :-

04. இலங்கையில் உள்ள சர்வதேசக் கண் வங்கி இதுவரை (2004) இலட்சம் பேர்களுக்குக் கந்தானம் செய்திருக்கிறது. இது ஒர் உலக சாதனையாகும்.

 மாணிக்க கங்கையிலிருந்து ஓம் ஒலி

05. கதிர்காமம் இலங்கையில் உள்ளது. முருகனின் புண்னிய பூமி. அதன் அருகில் ஓடும் மாணிக்க கங்கை ஆற்றிலிருந்து எப்பொழுதும் “ஓம்’ என்ற ஒலி கேட்பதாகக் கூறப்படுகின்றது.

உலகப் போரில் சிக்காத நாடு
06. ஐரோப்பாக் கண்டத்தில் உள்ல ஸ்வீடன், உலகப் போரின் கோரப்பிடியில் சிக்காத நாடு. இந்நாட்டின் பரப்பளவு, 1,73,000 சதுர மைல். பாதிப் பரப்ளவு காடுகளாகவே உள்ளன.மக்கள் தொகை ( 2004 ) 80 லட்சம். தீக்குச்சி, குளிர்சாதனப்பெட்டி, தெர்மாமீட்டர், மண்ணெண்ணெய் அடுப்பு ஆகிய அனைத்தும் ஸ்வீடனின் கண்டுபிடிப்புகள்.

சரியான சட்டம்

07. தேர்தல் விளம்பரப் போர்டுகள் மரங்களிலோ, விளக்குக் கம்பங்களிலோ அரசுக்குச் சொந்தமான விளம்பரப் பலகைகளிலோ தொங்கவிடக்கூடாது என்ற சட்டம் சிங்கப்பூர் நாட்டில் உண்டு.

சொத்துக்குரியவரின் உடையின் நிறம் சிவப்பு

08. ரஸாவ் பள்ளத்தாக்கு பிரன்ஸில் உள்லது. குடும்பச் சொத்துக்கு வாரிசான பெண் மட்டும்தான் சிவப்பு உடைகளை அணிய வேண்டும். அப்பெண்னின் உடன்பிறப்புக்கள் அனைவரும் கருமை நிறமுடைய ஆடைகளையே அணிதல் வேண்டும். இது அங்கு நீண்டகாலமாகக் கடைப்பிடிக்கப்பட்டு வரும் ஓர் மரபு.

இஷ்டம்போல்  குழந்தைகளுக்குப் பெயர் வைக்க முடியாது

09. பிரான்ஸ் நாட்டில் யாரும் தங்கள் குழந்தைகளுக்குத் தங்கள் இஷ்டம்போல் பெயர் சூட்ட முடியாது. அரசாங்கப் பட்டியலில் உள்ள பெயர்களில் ஒன்றையே தேர்ந்தெடுத்துக் கொள்ளவேண்டும்.

தேவையற்ற பயன்படுத்தும் நிலையில் உள்ள பொருட்களைச் சாலையோரம் வைத்துவிடலாம்
10. இது ஆஸ்திரேலியாவில் நடைமுறையில் உள்ளது. அவற்றைத் தேவைப்படுவோர் தாராளமாகத் தன் வீட்டிற்கு எடுத்துச் சென்று விடலாம்.

இந்தப் பதிவுகள் அனைத்தும் நெட்டில் சுட்டவை / கேட்டுத் தெரிந்து கொண்டவை என்று “ரீல்” விட மனமில்லை.

 இரண்டு கேட்டுத் தெரிந்து கொண்டவை.

எஞ்சியவை, தேனி.எஸ். மாரியப்பன் அரும்பாடுபட்டுத் தொகுத்தவை. அவரது முகவரி, 170/185 பழைய டி.வி.எஸ்.தெரு, தேனி-625 531.

விஜயா பதிப்பகம், 20, இராஜ வீதி, கோயமுத்தூர்-641 001,
வாவ்....நியூஸ்! ( உலகில் நடந்த ஆச்சர்ய சம்பவங்கள் ) 
என்னும் தலைப்பில் மார்ச் 2004-ல் வெளியிட்டது.
96 பக்கங்கள். விலை ரூபாய் 25/-

0 comments:

Post a Comment

Kindly post a comment.