தமிழ் நண்பர்கள் @ தமிழ் நண்பர்கள்

”மக்கள் சேமமுற வேண்டுமெனில் தெருவெலாம் தமிழ் முழ்க்கம் செழிக்கச் செய்வீர்” என்று அறைகூவல் விடுத்தார், எட்டயபுரத்து முண்டாசுக்கவிஞர், மகாகவி சுப்பிரமணிய பாரதியார்.

இன்றைய நவீனச் சூழலில் தமிழ் , இணயம் மூலமாக உலகை வலம் வருகின்றது. இதில் இலங்கைத் தமிழரது பங்களிப்பு அதிகம். ஏனெனில் நாடற்றவர்களாக ஆக்கப்பட்ட அவர்கள் உலகம் முழுவதும் பரந்துள்ளனர். தனி ஈழம் காணப் போராடியும் வருகின்றனர். இந்தியா உதவாவிடினும் இடையூறு செய்யாதிருந்தாலே போதும். அவர்கள் விரைவில் வெற்றி பெறுவர்.

எந்தத் தீமையிலும் ஓர் நன்மை உண்டு என்ற திரைப்படப் பாடலின் வரிகளுக்கேற்ப, சொல்லொணாத் துயருக்குள்ளாகியுள்ள, உலகம் முழுவதும் வாழ்கின்ற இலங்கைத் தமிழர்களால் தமிழ் மொழி இணையத்தின் மூலமாகவும் பரப்ப்ப் படுகின்றது.

தமிழில் அளவிறந்த இணைய தளஙகள், வலைப் பூக்கள் உள்ளன. அவற்றில் கண்ணிற்படும் நெஞ்சைத்தொடுவனவற்றை எனது வலைப் பூவிலும் தொடர்ந்து பதிவு செய்து வருகின்றேன். அவ்வகையில் தமிழ் நண்பர்கள் இணையதளமும் ஒன்று. இது வலைப்பதிவர்களது பதிவுகளயும் திரட்டியளித்தும் வருகின்றது.

ஒருமுறை உட்சென்று இணைந்துவிட்டால் போதும் இதர வேலைகளைத் தமிழ் நண்பர்கள் நிர்வாகமே கவனித்துக் கொள்ளும். தமிழ் நண்பர்கள் இணையத்தைப் பற்றிக் கூறிட நிறையத் தகவல்கள் உள்ளன. ட்ரூபால் தமிழச்சு முறையினை அறிமுகப்படுத்துகின்றனர். அழகியைப் போன்றே அனைத்து இந்திய மொழிகளுக்கும் ட்ரூபாலைப் பயன்படுத்தலாம். மொழிபெயர்ப்பு வசதிகளும் உண்டு.

ட்ரூபால் தமிழ்த்தட்டச்சு மாட்யூல் Indic Script for Drupal 7 dev பதிப்பினைத்
தரவிரக்க மற்றும் மேலும் விபரங்களுக்கு http://drupal.org/project/indic_ஸ்கிரிப்ட்
பேஸ்புக் தளத்தினை தமிழ்ப் படுத்தும் முயற்சியிலும் தமிழ் நண்பர்கள் தங்கள் பங்களிப்பினை நல்கியுள்ளது.

இப்படிப் பல தகவல்களைச் சொல்ல முடியும். விரிவு கண்டு அஞ்சுகின்றேன். தமிழ் நண்பர்கள் நிர்வாகத்தினரின் நம்பகத் தன்மைக்கு பின் வரும் செய்தியே ஓர் எடுத்துக்காட்டு.

இந்த ஆண்டு தமிழ் நண்பர்கள் இணைய நிர்வாகத்தினர் வலைப்பதிவுப் போட்டி ஒன்றினை நடத்தியுள்ளனர். அதன் முடிவு குறித்த அறிக்கை ஒன்றே அவர்களது வாய்மைத் திறத்தினை வெளிப்படுத்தும். அதனைக் கீழே காண்க.

அன்பார்ந்த தமிழ் நண்பர்களே

நமது தமிழ்நண்பர்கள் தளத்தில் பதிவுப் போட்டிகள் கடந்த மார்ச் மாதம் அறிவிக்கப்பட்டு பதிவுகள் அனுப்புவதற்காக கடந்த மார்ச் 25 தேதி வரை கால அவகாசம் தரப்பட்டிருந்தது.

ஆனால் மொத்தமே 11 நபர்களே தங்கள் பதிவுகளை அனுப்பிவைத்திருந்தார்கள் என்பது வருத்தமான விஷயமாக உள்ளது. (சில ஆயிரம் நண்பர்கள் இருந்தும்)

பதிவு அனுப்பியவர்கள் விபரம்
=============================

1 பிரசாத் வேணுகோபால்
2 Sugiri
3 jeyalakshmi
4 Muhammad
5 Maraimalai Radha Maraimalai Radha
6 Malathi Arulmani
7 sentamildasan s
8 Jeevalingam Kasirajalingam
9 kumar
10 malathi Arulmani
11 உதயன்

நிறைய பதிவுகளில் இருந்து போட்டியிட்டு சிறந்த பதிவைத் தெரிவு செய்வதே சிறந்த போட்டியாக இருக்க முடியும். ஆனால், சில பதிவுகளே வந்திருப்பதால் இதை ஒரு போட்டி என கணக்கில் எடுத்துக்கொள்ள இயலவில்லை. தயவு செய்து மன்னித்துக்கொள்ளவும்.

ஆனால், பதிவுகள் அனுப்பி போட்டியில் பங்கு கொண்ட அனைத்து நண்பர்களையும் போட்டியில் வெற்றியாளர்களாக அறிவிக்கிறோம்.
எனவே, போட்டியில் அறிவித்தபடி அனைவருக்கும் பரிசு வழங்கப்படுகிறது. அனைவருக்கும் ரூ 500 மதிப்பிலான நூல்கள் வழங்கப்படும்.

இந்நூல்களை அவர்களே தமக்குத்தேவையான நூல்களைத் தெரிவு செய்து வாங்கும் வசதியும் வழங்கப்படுகிறது. நூல்களை எங்கே எப்படி வாங்க வேண்டும் என்ற விபரம் அவர்களுக்கு இன்னும் இரு தினங்களில் தனி மடலாக அனுப்பி வைக்கப்படும்.

தங்கள் ஒத்துழைப்பையும் ஆதரவையும் நல்கிய அனைத்து நண்பர்களுக்கும் மிக்க நன்றிகள்.

இனி வரும் போட்டிகளில் அனைவரும் கலந்து கொள்ள வேண்டுகிறோம்.

நன்றிகள்

--
தமிழ் நண்பர்கள்

தமிழ் நண்பர்களே நற்பணிகளைச் செய்யத் துவங்குபவர்கள் எல்லாம் இதே போன்ற சிக்கல்களைச் சந்தித்துள்ளனர். எனவே, வருத்த்ம் வேண்டாம். தஙகள் வாய்மைத் திறமையும், கொண்டுள்ள நோக்கங்களின் மாட்சியும், தளர்வுறாத் தொடர் முயற்சியும் வெற்றியின் உச்சிக்கு நிச்சயம் தமிழ் நண்பர்களை அழைத்துச் செல்லும். வாழ்த்துகள்.

வலைப்பூ நண்பர்களே! இதரத் தமிழ்த் திரட்டிகளைப் போல் தமிழ் நண்பர்களையும் நாம் பயன்படுத்தலாமே. ஒரே தடவை உட்சென்று பதிவு செய்தாலே போதும். வேறு தொல்லைகள் இல்லை. தமிழ் நண்பர்கள் முகவரி:-

URI: http://tamilnanbargal.com/node/3199