பேரன்பு கொண்ட பெருந்தகையீர்!
நீடுழீ வாழ நெஞ்சார்ந்த நல் வாழ்த்துக்கள். சமுதாய மாற்றத்திற்காக வாழ்வியல் மாதமிருமுறையாக வெளிவரும் "உண்மை" டிசம்பர் 1-15 தங்களின் பிறந்த நாள் சிறப்பிதழாகக் கொண்டு வரப்பட்டுள்ளது குறித்துப் பெரு மகிழ்ச்சி.
தாங்களே அச்சிடுபவராகவும், ஆசிரியராகவும் இருந்து கொண்டு சிறப்பிதழ் வெளியிட்டதைத் தவறாகக் கொள்ளமாட்டேன். பெரியார் சுய மரியாதைப் பிரச்சார நிறுவனத்தின் சார்பில் வெளிவரும் இதழை எப்படி வேண்டுமானாலும் வெளியிடுவது அதன் செயலரான தங்களது உரிமை!
சிறப்பிதழில் அட்டையுடன் சேர்த்து 70 பக்கங்கள் உள்ளன. அதில், 24 பக்கங்கள் விளம்பரங்களே. பெரியார் திரை குறும்படப் போட்டி அறிவிப்புப் பக்கத்தை இதில் சேர்க்கவில்லை.
வழக்கமான ரூபாய் 10-க்கே கூடக் கொடுத்திருக்கலாம். ரூபாய் 15 -க்கு விற்பனையாகிக் கொண்டிருக்கின்றது. இது நியாயமில்லை .
தங்களது வழக்கமான விலையான ரூபாய் 10-த்தைக் கூட, ரூபாய் 5-ஆகக் குறைக்க வேண்டும் என்பதே இந்தக் கடிதம் மூலம் விடு்க்கும் பகிரங்கமான வேண்டுகோள்.
பகி்ரங்கம் என்ற வார்த்தை பயன் படுத்தப்பட்டிருப்பதன் காரணம், இக்கடிதம் வலைப்பூவில் பதிவுசெயயப்பட்டிருகிறது ஓர் ஆவணமாக!ஆதங்கம் பிரிவில்!
தங்கள் பார்வைக்கு வரும்பொழுது உலகாளவிய நிலையில் பலரால் படிக்கப் பட்டிருக்கும்.பிரச்சார நிறுவனம், வியாபார நோக்கோடு செயல்படுவதில் நியாயமில்லை.
இந்தியக் கம்யூனி்ஸ்ட் கட்சி நிர்வாகத்தில், நியூசெஞ்சுரி பிரிண்டர்ஸ் நிறுவனத்தில் சம்பள உயர்வுப் பிரச்சினை எழுந்தபோது, பாவை அச்சகத்தை உருவாக்கிக் கொண்ட கம்யூனிஸ்டுகளைப் போல் செயல்படுபவரல்ல என்ற நம்பிக்கையுடன் இந்தக் கடிதம் எழுதப் படுகி்ன்றது.
மின்னஞ்சல் மூலம் சாமன்யன் ஒருவரால் அனுப்பப்படும் கடிதத்திற்குரிய பதிலை ஆவலுடன் எதிர் பார்க்கின்றேன். பதிலும் பதிவு செய்யப்படும்.
நன்றி.வணக்கம்,அன்பு, சேது.
http://rssairam.blogspot.com/
0 comments:
Post a Comment
Kindly post a comment.