விஸ்வரூபத்தில் தந்தையுடன் இணைந்து துணை இயக்குநராக பணியாற்றும் அகஷரா ஹாசன்

http://cinemaulakam.com/view.php?id=1592

கமல் ஹாசன் குடும்பத்திலிருந்து இன்னொரு கலை வாரிசு வெளி வந்துள்ளது. மூத்த மகள் ஸ்ருதி, பாடகியாக,

இசையமைப்பாளராக, நடிகையாக கலக்க ஆரம்பித்துள்ள நிலையில், இளைய மகள் அக்ஷரா தனது தந்தை இயக்கி நடிக்கும் விஸ்வரூபம் படத்தில் துணை இயக்குனராகியுள்ளார்.

கமல் ஹாசனின் இளைய மகள் அக்ஷராவுக்கு நடிப்பை விட இயக்கத்தில் தான் ஆர்வம் அதிகம். நான் திரைக்குப் பின்னால் இருக்கவே விரும்புகிறேன் என்று அவரே ஒருமுறை தெரிவித்துள்ளார். ஆனால் அண்மையில் பாலிவுட் படம் ஒன்றில் நடிக்க அக்ஷரா ஒப்பந்தமாகியுள்ளதாக செய்திகள் வெளியாகின. இலங்கைத் தமிழர் ஒருவரை காதலிப்பதாகவும் கிசுகிசு வந்தது. தாயார் சரிகாவுடன் தங்கியுள்ள அக்ஷரா, பாலிவுட் இயக்குனர் ராகுல் தோலாகியாவின் சொசைட்டி என்ற படத்தில் இயக்கத்தில் உதவியாக இருந்தார்.

நடனம், இயக்கத்தில் ஆர்வம் காட்டும் அக்ஷரா தற்போது தந்தை நடித்து வரும் விஸ்வரூபம் படத்தில் துணை இயக்குநராக இணைந்துள்ளார். தனது தந்தையை வைத்து முழுப் படத்தை இயக்கும் ஐடியாவில் உள்ள அக்ஷரா அதற்கு முன்பாக இயக்கத்தில் நல்ல பயிற்சி பெறுவதற்காகவே இப்போது கமல் படத்தில் துணை இயக்குநராகியுள்ளார்.

விஸ்வரூபம் படத்தை கமல்ஹாசனே இயக்கி நடிக்கிறார் என்பது நினைவிருக்கலாம். இந்த படத்தை முதலில் செல்வராகவன் தான் இயக்குவதாக இருந்தது. அதன் பிறகு தானே இயக்கப்போவதாக கமல் அறிவித்தார்.

புலிக்குப் பிறந்தது பூனையாகுமா...!